ମୁମ୍ବାଇ, ୩।୮: ଏବେ ମୁମ୍ବାଇର ରାଇଟର ତଥା କମେଡିଆନ୍ ରୋହିତ୍ ନାୟାରଙ୍କର ଏକ ଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି। ଏହି ୨୯ ସେକେଣ୍ଡର ଭିଡ଼ିଓରେ ରୋହିତ୍ ନିଜ ପୋଷା କୁକୁର ଜୋଏ ସହିତ ଗୀତ ଗାଉଥିବାରୁ ଦେଖିବାକୁ ମିଳୁଛି। ଜୋଏ ରୋହିତଙ୍କ ସ୍ବରରେ ତାଳ ମିଳାଇ ଭୁକିବାକୁ ଲାଗୁଛି। ଭିଡ଼ିଓକୁ ଶେୟାର କରି ରୋହିତ୍ ଲେଖଛନ୍ତି ଯେ, ‘ରାଗ୍ ଭୋକାର’ରେ ପୋଷା କୁକୁର ତାଙ୍କ ସହିତ ଗୀତ ଗାଇବା ଅଭ୍ୟାସ କରୁଛି। ଇତିମଧ୍ୟରେ ଏହି ଭିଡ଼ିଓକୁ ୧୬ ଲକ୍ଷରୁ ଅଧିକ ଥର ଦେଖା ହୋଇସାରିଛି। ୨୮ ହଜାରରୁ ଅଧିକ ୟୁଜର ଭିଡ଼ିଓକୁ ନେଇ ନିଜର ମତାମତ ଦେଇଛନ୍ତି। ଜୋଏର ଉତ୍ସାହ ଏବଂ ଗୀତ ଗାଇବାର ଆଗ୍ରହକୁ ୟୁଜର ପ୍ରଶଂସା କରିଛନ୍ତି।