ନୂଆଦିଲ୍ଲୀ,୪।୧: ଦୁନିଆର ସବୁଠାରୁ ପ୍ରସିଦ୍ଧ ଫୁଟବଲ ଖେଳାଳି କ୍ରିଷ୍ଟିଆନୋ ରୋନାଲ୍ଡୋ ତାଙ୍କ ରୋଜଗାର ପାଇଁ ପୁଣି ଥରେ ଚର୍ଚ୍ଚାକୁ ଆସିଛନ୍ତି। ରୋନାଲ୍ଡୋ ୟୁରୋପର ଫୁଟବଲ କ୍ଲବ ମଞ୍ଚେଷ୍ଟର ୟୁନାଇଟେଡ ଛାଡି ସାଉଦି ଆରବର ଫୁଟବଲ କ୍ଲବ ଅଲ ନସରରେ ଯୋଗ ଦେଇଥିଲେ। ରୋନାଲ୍ଡୋ ଏବଂ ଅଲ ନସର ମଧ୍ୟରେ ହୋଇଥିବା ଚୁକ୍ତି କ୍ରୀଡା ଜଗତର ସବୁଠାରୁ ମହଙ୍ଗା ଚୁକ୍ତି ଭାବରେ ଦେଖାଯାଉଛି। ରୋଜଗାର ଦୃଷ୍ଟିରୁ ଫୁଟବଲ ଭଳି ଖେଳ ସମ୍ମୁଖରେ କ୍ରିକେଟ ବହୁ ପଛରେ ଥିବା ଏଥିରୁ ସ୍ପଷ୍ଟ ହୋଇଛି।
ସାଉଦି ଆରବର କ୍ଲବ ଅଲ ନସର ତରଫରୁ ଖେଳିବା ପାଇଁ ରୋନାଲ୍ଡୋ ପ୍ରତିବର୍ଷ ୧୮୦୦ କୋଟି ଟଙ୍କା ପାଇବେ। କିନ୍ତୁ ଦୁନିଆର ସବୁଠାରୁ ଧନୀ କ୍ରିକେଟ ଲିଗ ଆଇପିଏଲର ସର୍ବାଧିକ ରୋଜଗାର କରୁଥିବା ଖେଳାଳିଙ୍କୁ ଏତେ ଟଙ୍କା ରୋଜଗାର କରିବାକୁ ପ୍ରାୟ ୧୫୦ ବର୍ଷ ପର୍ଯ୍ୟନ୍ତ କ୍ରିକେଟ ଖେଳିବାକୁ ପଡିବ। ଏହି ଆକଳନରୁ ଏହା ସ୍ପଷ୍ଟ ହୋଇଛି ଯେ, କ୍ରିକେଟ ସାରା ବିଶ୍ୱରେ ଯେତେ ଲୋକପ୍ରିୟ ହୋଇପାରିଛି, ଫୁଟବଲ ସହିତ ସମାନ ଭାବରେ ଛିଡା ହେବାକୁ ଆହୁରି ଅନେକ ବାଟ ଅଛି।
ରୋହିତ ଶର୍ମା, ଏମଏସ ଧୋନୀ, ବିରାଟ କୋହଲି ଏବଂ ରବିନ୍ଦ୍ର ଜାଡେଜା ଭଳି ଖେଳାଳି ଆଇପିଏଲର ପ୍ରଥମ ସିଜିନରୁ ଖେଳୁଛନ୍ତି। ରୋଜଗାରରେ ରୋହିତ ଶର୍ମା ଆଗରେ ଅଛନ୍ତି। ରୋହିତ ଆଇପିଏଲର ୧୫ଟି ସିଜନ ଖେଳି ୧୭୮ କୋଟି ଟଙ୍କା ରୋଜଗାର କରିଛନ୍ତି। ଯଦି ଏହାର ହାରାହାରି ନିଆଯାଏ, ତେବେ ରୋହିତ ଶର୍ମା ଆଇପିଏଲ ଖେଳିବା ପାଇଁ ପ୍ରତିବର୍ଷ ପ୍ରାୟ ୧୨ କୋଟି ଟଙ୍କା ରୋଜଗାର କରନ୍ତି। ସେଥିପାଇଁ ରୋହିତ ଶର୍ମାଙ୍କୁ ୧୮୦୦ କୋଟି ଟଙ୍କା ରୋଜଗାର କରିବାକୁ ୧୫୦ ବର୍ଷ ପାଇଁ ଆଇପିଏଲ ଖେଳିବାକୁ ପଡ଼ିବ।
ସେହିପରି ଧୋନୀ ଆଇପିଏଲର ୧୫ଟି ସିଜନ ଖେଳି ୧୭୬ କୋଟି ଟଙ୍କା ରୋଜଗାର କରିଛନ୍ତି। ଯେତେବେଳେ ବିରାଟ କୋହଲି ଆଇପିଏଲର ୧୫ଟି ସିଜନ ଖେଳି ୧୭୩ କୋଟି ଟଙ୍କା ରୋଜଗାର କରିଛନ୍ତି। ରବିନ୍ଦ୍ର ଜାଡେଜା ଆଇପିଏଲରୁ ୧୦୯ କୋଟି ଟଙ୍କା ରୋଜଗାର କରିଛନ୍ତି।
ଏଥିରୁ ଗୋଟିଏ କଥା ସ୍ପଷ୍ଟ ହୋଇଛି ଯେ, କୌଣସି କ୍ରିକେଟର ସେମାନଙ୍କ ସମଗ୍ର କ୍ୟାରିୟରରେ ଯେତିକି ରୋଜଗାର କରିପାରିବେ ନାହିଁ, ଯେପରି ରୋନାଲଡୋ ଏବଂ ମେସିଙ୍କ ଭଳି ଖେଳାଳି ଗୋଟିଏ ବର୍ଷରେ ଏକ କ୍ଲବ ସହିତ ଚୁକ୍ତିନାମା କରି ରୋଜଗାର କରନ୍ତି।