ବେଙ୍ଗାଲୁରୁ,୨୮।୮: ଚନ୍ଦ୍ରୟାନ-୩ର ସଫଳତା ପରେ ବିକ୍ରମ ଲ୍ୟାଣ୍ଡର ଓ ପ୍ରଜ୍ଞାନ ରୋଭର ଚନ୍ଦ୍ର ସମ୍ପର୍କିତ ସୂଚନା ଏକତ୍ର କରି ଲଗାତାର ଭାବେ ଇସ୍ରୋ ବୈଜ୍ଞାନିକଙ୍କ ନିକଟକୁ ପଠାଉଛନ୍ତି। ଆଉ ସେହି ସବୁ ତଥ୍ୟକୁ ଇସ୍ରୋ ସାରା ବିଶ୍ୱବାସୀଙ୍କୁ ଜଣାଉଛି।
ଅଗଷ୍ଟ ୨୩ ସା ୬ଟା ୪୦ରେ ବିକ୍ରମ ଲ୍ୟାଣ୍ଡର ଚନ୍ଦ୍ରର ଦକ୍ଷିଣ ପୋଲରେ ଅବତରଣ କରିଥିଲେ। ମୃଦୁ ଅବତରଣ ପରେ ରୋଭର ପ୍ରୟାଗ ଲ୍ୟାଣ୍ଡରରୁ ବାହାରି କାମ ଆରମ୍ଭ କଲା।
ଇସ୍ରୋ ଅଗଷ୍ଟ ୨୫ରେ ଏହାର ଏକ୍ସ(ଟୁଇଟର) ହ୍ୟାଣ୍ଡେଲ ମାଧ୍ୟମରେ ଏକ ଭିଡିଓ କ୍ଲିପ ମୁକ୍ତିଲାଭ କରିଥିଲା, ଯାହା ବିକ୍ରମ ଲ୍ୟାଣ୍ଡର ଉପରେ ଲଗାଯାଇଥିବା ଇମେଜର୍ କ୍ୟାମେରା ଦ୍ୱାରା କଏଦ ହୋଇଥିଲା।
ଭିଡିଓରେ ଏହା ଦେଖିବାକୁ ମିଳିଥିଲା ଯେ ରୋଭର ପ୍ରଜ୍ଞାନ ଲ୍ୟାଣ୍ଡର ଛାଡି ଚନ୍ଦ୍ର ପୃଷ୍ଠରେ ଚାଲିବା ଆରମ୍ଭ କରିବା ପରେ ଚନ୍ଦ୍ର ପୃଷ୍ଠରେ ପହଞ୍ଚିଥିଲେ।
ସେହି ଦିନ, ଇସ୍ରୋ ଆହୁରି ମଧ୍ୟ ସୂଚନା ଦେଇଛି ଯେ ରୋଭର ପ୍ରଜ୍ଞାନ ଚନ୍ଦ୍ରରେ ୮ ମିଟର ଦୂରତାକୁ ସଫଳତାର ସହ ଅତିକ୍ରମ କରିଛି। ରୋଭର ସହିତ ସଂଲଗ୍ନ ହୋଇଥିବା ପେଲୋଡ LIBS ଏବଂ APXS ସାଧାରଣ ଭାବରେ କାର୍ଯ୍ୟକ୍ଷମ ଏବଂ କାର୍ଯ୍ୟ କରୁଛି ।
ଇସ୍ରୋ ସୂଚନା ଦେଇଛି ଯେ ପ୍ରପୁଲସନ ମଡ୍ୟୁଲ, ଲ୍ୟାଣ୍ଡର ମଡ୍ୟୁଲ ଏବଂ ରୋଭର ଉପରେ ଥିବା ସମସ୍ତ ପେଡ ଚମତ୍କାର କାର୍ଯ୍ୟ କରୁଛି।