ବେଙ୍ଗାଲୁରୁ,୨୬।୩: ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଏବଂ ପଞ୍ଜାବ କିଙ୍ଗ୍ସ ମଧ୍ୟରେ ଆଇପିଏଲ ୨୦୨୪ର ଷଷ୍ଠ ମ୍ୟାଚ ଖେଳାଯାଇଛି। ମ୍ୟାଚରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ପଞ୍ଜାବ କିଙ୍ଗସକୁ ୪ ଉଇକେଟରେ ପରାସ୍ତ କରିଛି। ୬ଟି ଉଇକେଟ ଯିବା ପରେ ଆରସିବି ମହିପାଲ ଲୋମୋରଙ୍କୁ ବ୍ୟାଟିଂ କରିବାକୁ ପଠାଇଥିଲା। ତାଙ୍କର ପ୍ରଦର୍ଶନ ଯୋଗୁ ଦଳ ଲକ୍ଷ୍ୟ ହାସଲ କରିଥିଲା।
ଆରସିବି ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିବା ବେଳେ ଆମନ୍ତ୍ରଣ ପାଇ ପଞ୍ଜାବ ବ୍ୟାଟିଂ କରିଥିଲା। ଏହି ସମୟରେ ପଞ୍ଜାବ ୨୦ ଓଭରରେ ୬ ଉଇକେଟ ହରାଇ ୧୭୬ ରନ କରିବାରେ ସଫଳ ହୋଇଥିଲା। ଫଳରେ ଆରସିବି ପାଇଁ ୧୭୭ ରନର ବିଜୟ ଲକ୍ଷ୍ୟ ରହିଥିଲା।