ଭୁବନେଶ୍ୱର,୨୭।୨: ଦେଶର ପ୍ରମୁଖ ୨ଚିକିଆ ପ୍ରିମିୟମ ଯାନ ତଥା ଗ୍ଲୋବାଲ ଲିଡର (ଦି ମିଡ୍ ସାଇଜ୍ ୨୫୦-୭୫୦ ସିସି ମୋଟରସାଇକେଲ ସେଗ୍ମେଣ୍ଟ) ମୋଟରସାଇକେଲ ‘ରୟାଲ ଏନ୍ଫିଲ୍ଡ’ର ବହୁ ପ୍ରତୀକ୍ଷିତ ଏବଂ ଅତ୍ୟାଧୁନିକ ଜ୍ଞାନକୌଶଳରେ ନିର୍ମିତ ଅଲ୍ ନ୍ୟୁ ‘ସଟ୍ଗନ-୬୫୦’ ମଡେଲର ସର୍ବଭାରତୀୟ ଉନ୍ମୋଚନ ଓ ବଜାର ପ୍ରବେଶ ନିକଟରେ ହୋଇଯାଇଛି। ଏହି ପରିପ୍ରେକ୍ଷୀରେ କମ୍ପାନୀର ଓଡ଼ିଶା ବଜାର ପକ୍ଷରୁ ରୟାଲ ଏନ୍ଫିଲ୍ଡର ଅଲ ନ୍ୟୁ ‘ସଟ୍ଗନ-୬୫୦’ ମଡେଲକୁ ଆନୁଷ୍ଠାନିକ ଭାବେ ଓଡ଼ିଶା ବଜାରରେ ଅନାବରଣ ସହ ବଜାର ପ୍ରବେଶ ସମ୍ପର୍କରେ ଘୋଷଣା କରାଯାଇଛି। ଏ ନେଇ ରୟାଲ ଏନ୍ଫିଲ୍ଡର ସିଇଓ ବି. ଗୋବିନ୍ଦରାଜନ କହିଛନ୍ତି, ରୟାଲ ଏନ୍ଫିଲ୍ଡର ଅଲ୍ ନ୍ୟୁ ‘ସଟ୍ଗନ-୬୫୦’ ମଡେଲକୁ ଓଡ଼ିଶା ବଜାରରେ ପ୍ରବେଶ କରାଇ ଆମେ ବେଶ୍ ଉତ୍ସାହିତ ଅଛୁ। ଏପରିକି ଆଶାୟୀ ଗ୍ରାହକ ଓ ଉତ୍ସାହୀ ଯୁବଗୋଷ୍ଠୀଙ୍କୁ ଏହି ମଡେଲ ରାଇଡିଂର ଏକ ଭିନ୍ନ ଅନୁଭୂତି ଦେବ। ସେହିଭଳି ଉକ୍ତ ମଡେଲରେ ଅନେକଗୁଡିଏ ଅତ୍ୟାଧୁନିକ ସୁବିଧା ସାଙ୍ଗକୁ ୪ଟି ସ୍ମାର୍ଟ ଭାରିଆଣ୍ଟ ସହିତ ୪ଟି ଆକର୍ଷଣୀୟ କଲର(ରଙ୍ଗ)ରେ ଉକ୍ତ ମଡେଲ କମ୍ପାନୀର ସ୍ବୀକୃତିପ୍ରାପ୍ତ ଡିଲର ପଏଣ୍ଟରେ ଉପଲବ୍ଧ। ଅପରପକ୍ଷରେ ଅତ୍ୟାଧୁନିକ ବୈଶିଷ୍ଟ୍ୟ ସହିତ ୬୫୦ ସିସି ସହ ଆଡ୍ଭାନ୍ସ ଫିଚର ସମ୍ଭାର ସଂଯୋଗ ରହିଛି। ରୟାଲ ଏନ୍ଫିଲ୍ଡର ଅଲ୍ ନ୍ୟୁ ‘ସଟ୍ଗନ-୬୫୦’ ମଡେଲର ପ୍ରାରମ୍ଭିକ ବଜାର ମୂଲ୍ୟ ୩,୫୯,୦୦୦ ଲକ୍ଷ ଟଙ୍କା ରହିଛି।
