ନୂଆଦିଲ୍ଲୀ,୧।୧୨: ରୟାଲ ଏନ୍ଫିଲ୍ଡର ବହୁ ପ୍ରତୀକ୍ଷିତ ତଥା ଅତ୍ୟାଧୁନିକ ଜ୍ଞାନକୌଶଳରେ ନିର୍ମିତ ‘ଅଲ୍ ନ୍ୟୁ ହିମାଳୟାନ’କୁ ନିକଟରେ ସର୍ବଭାରତୀୟ ଉନ୍ମୋଚନ କରାଯାଇଛି। ଏପରିକି ଅଧିକ ପାୱାର ଓ ଟର୍କ ସହିତ ଉକ୍ତ ମଡେଲ ରୟାଲ ଏନ୍ଫିଲ୍ଡର ପ୍ରଥମ ଲିକ୍ୱିଡ-କୁଲ୍ଡ ଇଞ୍ଜିନ୍ ନୂଆ ୪୫୨ସିସି ସେର୍ପା ଇଞ୍ଜିନ୍ ସହିତ ଚମତ୍କାର କମ୍-ଆର୍ପିଏମ୍ ପ୍ରଦର୍ଶନ ପ୍ରଦାନ କରୁଛି। ବିଶେଷକରି ଏକ ନୂଆ ୬-ସ୍ପିଡ୍ ଗିଅରବକ୍ସ ଓ ଏକ ରାଇଡ୍-ବାଏ-ୱାୟାର ଫିଚର ସହିତ ଉନ୍ନତ ପାୱାର, ଆହ୍ବାନପୂର୍ଣ୍ଣ ଭୂଭାଗଗୁଡିକରେ ପାୱାର ଓ ଟେରେନ୍ର ଉନ୍ନତ ଡେଲିଭରି ଏହା ପ୍ରଦାନ କରିଥାଏ। ସେହିଭଳି ନୂଆ ହିମାଳୟାନ୍ର ସମସ୍ତ ମଡେଲରେ ନୂଆ ଟ୍ରିପର୍ଡ୍ୟାଶ ଓ ୩୦ରୁ ଅଧିକ ଉତ୍ସାହଜନକ ନୂଆ ଜେନୁଇନ୍ ମୋଟରସାଇକେଲ ଆକ୍ସେସରି ସହ ଉକ୍ତ ମଡେଲ ବଜାରକୁ ଆସୁଛି। ସେହିପରି ଅଲ୍ ନ୍ୟୁ ହିମାଳୟାନ୍କୁ ୩ଟି ସ୍ବତନ୍ତ୍ର ଭାରିଆଣ୍ଟ ଯଥା ବେସ୍, ପାସ୍ ଓ ସମିଟ୍ ଆଦିରେ ଉପଲବ୍ଧ ହେଉଥିବାବେଳେ ଉକ୍ତ ମଡେଲ ୫ଟି ସ୍ବତନ୍ତ୍ର କଲର ଯଥା କାଜା ବ୍ରାଉନ୍ (ବେସ୍ ଭାରିଆଣ୍ଟ), ପପି ବ୍ଲୁ ଓ ହିମାଳୟାନ୍ ସଲ୍ଟ ଅନ୍ତର୍ଭୁକ୍ତ ଥିବା ସ୍ଲେଟ୍ ସିରିଜ୍ (ପାସ୍ ଭାରିଆଣ୍ଟ) ଏବଂ ହାନ୍ଲେ ବ୍ଲାକ୍ ଓ କାମେଟ୍ ହ୍ବାଇଟ୍ (ସମିଟ୍-ଟପ୍ ଭାରିଆଣ୍ଟ) ରଙ୍ଗରେ ଉକ୍ତ ମଡେଲଗୁଡିକୁ ଆକର୍ଷଣୀୟ ଡିଜାଇନିଂ କରାଯାଇଛି।ଏସିଆ-ପାସିଫିକ୍ ରିଜିଅନ୍ ଓ ଆମେରିକାର ଗ୍ରାହକମାନେ ଖୁବ୍ଶୀଘ୍ର ହିମାଳୟାନ୍ର ଆଡ୍ଭେଞ୍ଜର-ରେଡି ପ୍ରବୃତ୍ତିଗୁଡିକୁ ଅନୁଭବ କରିପାରିବେ, ଯାହା ଅନ୍ତର୍ଜାତୀୟ ରାଇଡରଙ୍କ ପ୍ରତି ରୟାଲ ଏନ୍ଫିଲ୍ଡର ପ୍ରତିବଦ୍ଧତାକୁ ସୁଦୃଢ କରୁଛି।
ଏ ସମ୍ପର୍କରେ ରୟାଲ ଏନ୍ଫିଲ୍ଡର ସିଇଓ ବି.ଗୋବିନ୍ଦରାଜନ କହିଛନ୍ତି, ଆମେ ନୂଆ ହିମାଳୟାନ୍କୁ ଉନ୍ମୋଚନକରି ବେଶ୍ ଉତ୍ସାହିତ ଅଛୁ। ଆମେ ନିକଟରେ ଗ୍ଲୋବ୍ଟ୍ରୋଟର୍, ଏକ୍ସପ୍ଲୋରର ଓ ଆଥ୍ଲେଟ୍ମାନଙ୍କ ସହ ନିୟୋଜିତ ହୋଇଛୁ। ଏଭଳି ତଥ୍ୟ ଏବଂ ହିମାଳୟରେ ଆମର ନିଜସ୍ବ ଯାତ୍ରା ଦ୍ୱାରା ଅନୁପ୍ରାଣିତ ହୋଇ ଆମେ ଏହାର ଡିଏନ୍ଏର ଗୁରୁତ୍ୱପୂର୍ଣ୍ଣ ଉପାଦାନଗୁଡିକୁ ବଜାୟ ରଖିଛୁ ଏବଂ ନୂଆ ଓ ବିକଶିତ ହିମାଳୟାନ୍ରେ ପରିବର୍ତ୍ତନ ପାଇଁ ବିଭିନ୍ନ କ୍ଷେତ୍ର ଉପରେ କାର୍ଯ୍ୟ କରିଛୁ, ଯାହା ହିମାଳୟ ପାଇଁ ନିର୍ଦ୍ଦିଷ୍ଟ ରୂପେ ଉଦ୍ଦେଶ୍ୟ-ନିର୍ମିତ ବୋଲି ସେ ବିସ୍ତୃତ ଭାବେ ଉଲ୍ଲେଖ କରିଛନ୍ତି। ରୟାଲ ଏନ୍ଫିଲ୍ଡ ପକ୍ଷରୁ ବ୍ରାଣ୍ଡ୍ର ସବୁଠାରୁ ବଡ ମୋଟରସାଇକ୍ଲିଙ୍ଗ୍ ଫେଷ୍ଟିଭାଲ ମୋଟୋଭର୍ସ-୨୦୨୩ରେ ଏହାର ଆଡ୍ଭେଞ୍ଚର୍ ଟୁଅରର୍ ଅଲ୍-ନ୍ୟୁ ହିମାଳୟାନ୍ର ଉନ୍ମୋଚନ କରାଯାଇଛି,ଯାହାକୁ ସମସ୍ତ ପ୍ରକାର ରାସ୍ତା ପାଇଁ ନିର୍ମାଣ କରାଯାଇଛି।