ନୂଆଦିଲ୍ଲୀ,୧୮।୧: ଦେଶର ପ୍ରମୁଖ ପ୍ରିମିୟମ ବାଇକ୍ ବ୍ରାଣ୍ଡ୍ ରୟାଲ ଏନ୍ଫିଲ୍ଡର ନୂଆ ସୁପର ମିଟିଅର ୬୫୦ ନିକଟରେ ସର୍ବଭାରତୀୟ ଉନ୍ମୋଚନ ହୋଇଯାଇଛି। ଏ ସମ୍ପର୍କରେ ରୟାଲ ଏନ୍ଫିଲ୍ଡର ସିଇଓ ବି. ଗୋବିନ୍ଦରାଜନ୍ କହିଛନ୍ତି,ଆମ ପୋର୍ଟଫୋଲିଓରେ ଥଣ୍ଡର ବାର୍ଡକୁ ରିପ୍ଲେସ୍ କରିଥିବା ରୟାଲ ଏନ୍ଫିଲ୍ଡ ମିଟିଅର୍ ୩୫୦ ବିଶ୍ୱବ୍ୟାପୀ ଚାଳକଙ୍କ ପାଇଁ କ୍ରୁଜିଙ୍ଗ୍କୁ ସହଜ କରିଛି ଏବଂ ୟୁରୋପ ଓ ବିଶ୍ୱର ଅନ୍ୟ ଭାଗରେ ଆମର ସର୍ବାଧିକ ବିକ୍ରି ହେଉଥିବା ମୋଟରସାଇକେଲରେ ପରିଣତ ହୋଇଛି। ସୁପର ମିଟିଅର ୬୫୦କ୍ରୁଜିଙ୍ଗ୍ ସେଗ୍ମେଣ୍ଟରେ ନୂଆ ଜୀବନ ପାଇବା ସହ ଏକ ପ୍ରାମାଣିକ, ପହଞ୍ଚ୍ଯଯୋଗ୍ୟ, ମିଡ୍-ସେଗ୍ମେଣ୍ଟ କ୍ରୁଜର ଭାବେ ନିଜର ପରିଚୟ ସୃଷ୍ଟି କରିଛି। ସେହିଭଳି ଏଇଚର୍ ମୋଟର୍ସ ଲିମିଟେଡ୍ର ପରିଚାଳନା ନିର୍ଦ୍ଦେଶକ ସିଦ୍ଧାର୍ଥ ଲାଲ୍ କହିଛନ୍ତି, ସୁପର ମିଟିଅର ୬୫୦ର ଡିଜାଇନ ଭାଷା, ଜିଓମେଟ୍ରି, ଫର୍ମ-ଫ୍ୟାକ୍ଟର ଓ ଚମତ୍କାର ୬୫୦ ସିସି ଟ୍ବିନ୍ ଇଞ୍ଜିନ୍ ଏହାକୁ ନିଜ ବର୍ଗରେ ସବୁଠାରୁ ଆକର୍ଷଣୀୟ, ପହଞ୍ଚଯୋଗ୍ୟ ଓ ସକ୍ଷମ କ୍ରୁଜରରେ ପରିଣତ କରୁଛି। ଆମେ ବିଶ୍ୱାସ କରୁଛୁ ଯେ, ଏହି ସୁପର ମିଟିଅର ବିଶ୍ୱବ୍ୟାପୀ କ୍ରୁଜର ପାଇଁ ବଜାରକୁ ବିସ୍ତାର କରିବ ଏବଂ ରୟାଲ ଏନ୍ଫିଲ୍ଡର ଟ୍ବିନ୍ ପ୍ଲାଟ୍ଫର୍ମକୁ ଆଉ ଏକ ସ୍ତର ଉପରକୁ ନେବ। ଅପରପକ୍ଷରେ ବ୍ରାଣ୍ଡ୍ ତା’ର ରିଟେଲ ଉପଲବ୍ଧତା ଓ ମୂଲ୍ୟ ସମ୍ପର୍କରେ ମଧ୍ୟ ଘୋଷଣା କରିଛି। ସୁପର ମିଟିଅର ୬୫୦ ୭ଟି କଲରରେ ନିର୍ମିତ ହୋଇଥିବା ବେଳେ ଏହାର ମୂଲ୍ୟ ୩,୪୮,୯୦୦ (ଏକ୍ସ ଶୋ’ରୁମ୍,ଭାରତ) ରହିଛି। ଭାରତ ବଜାରରେ ଏହାର ଡିସ୍ପ୍ଲେ ଓ ବୁକିଂ ଆରମ୍ଭ ହୋଇଯାଇଛି ଏବଂ ଏହାର ଡେଲିଭରି ଆସନ୍ତା ଫେବୃୟାରୀରୁ ଆରମ୍ଭ ହେବ।
