ପାରଳାଖେମୁଣ୍ଡି:୨୯।୧୨: ଗଜପତି ଜିଲା ପାରଳାଖେମୁଣ୍ଡି ଅବକାରୀ ବିଭାଗ ମଙ୍ଗଳବାର ରାତିରେ ବିପୁଳ ପରିମାଣର ଗଞ୍ଜେଇ ଜବତ କରିଛି । ଏଥିସହ ୩ ଜଣଙ୍କୁ ଅଟକ ରଖାଯାଇଛି। ପାଟ୍ରୋଲିଂ ବେଳେ ଗଜପତିରୁ ମହାରାଷ୍ଟ୍ର ଅଭିମୁଖେ ଯାଉଥିବା ଏକ ଟ୍ରକ୍କୁ ଯାଞ୍ଚ କରାଯାଇଥିଲା। ଟ୍ରକ୍ରେ ଭର୍ତ୍ତି ହୋଇଥିବା ପରିବା ଭିତରୁ ଗଞ୍ଜେଇ ଜବତ ହୋଇଥିଲା।
ବିଶେଷ ସୁତ୍ରରୁ ଖବରପାଇ ଚାନ୍ଦିପୁଟ ନିକଟରୁ ବ୍ରହ୍ମପୁର ଅଞ୍ଚଳକୁ ଯାଉଥିବା ମାର୍ଲବା ଗାଁ ନିକଟରୁ ଗାଡ଼ିକୁ ଅଟକା ଯାଇଥିଲା। ପରେ ସେଥିରୁ ଗଞ୍ଜେଇ ଜବତ ହୋଇଥିଲା। ଗାଡ଼ି ମହାରାଷ୍ଟ୍ର ନମ୍ବର ବିଶିଷ୍ଟ ହୋଇଥିବାରୁ ଗଞ୍ଜେଇ ବାହାର ରାଜ୍ୟକୁ ଚାଲାଣ ହେଉଥିବା ଅନୁମାନ କରାଯାଉଛି । ପ୍ରାୟ ୧୯ କୁଇଣ୍ଟାଲରୁ ଅଧିକ ପରିମାଣର ଗଞ୍ଜେଇ ଜବତ କରାଯାଇଛି। ଯାହାର ଆନୁମାନିକ ମୂଲ୍ୟ ୧ କୋଟି ଟଙ୍କାରୁ ଅଧିକ ହେବ। ଏ ନେଇ ଅଧିକ ତଦନ୍ତ ଚାଲିଛି।