ପାରାଦୀପ,୩ା୨(ସ୍ବ.ପ୍ର.): ଜଗତ୍ସିଂହପୁର ଜିଲା ପାରାଦୀପ ଲକ୍ ଥାନା ଅନ୍ତର୍ଗତ ଗଡବଜାରସ୍ଥିତ ୟୁନିୟନ ବ୍ୟାଙ୍କ ଅଫ୍ ଇଣ୍ଡିଆ ଶାଖାରୁ ୧୪ ଲକ୍ଷ ଟଙ୍କାର କଏନ୍ ହେରଫେର ହୋଇଥିବା ଅଭିଯୋଗ ହୋଇଛି। ଏନେଇ ବ୍ୟାଙ୍କ ମ୍ୟାନେଜର ସନ୍ତୋଷ କୁମାର ନାୟକ ମଙ୍ଗଳବାର ଥାନାରେ ଅଭିଯୋଗ କରିଛନ୍ତି। ତାଙ୍କ ଅଭିଯୋଗ ଅନୁଯାୟୀ, ୨୦୧୬ ରୁ ୨୦ ମଧ୍ୟରେ ବ୍ୟାଙ୍କରୁ ଏହି ଟଙ୍କା ଗାଏବ ହୋଇଛି। ଅଭିଯୋଗପତ୍ରରେ ୪ ଜଣ ପୂର୍ବତନ ମ୍ୟାନେଜର ଓ କ୍ୟାଶିୟରଙ୍କ ନାମ ରହିଛି। ଏନେଇ ପୋଲିସ ମାମଲା (ନଂ.୨୮/୨୧) ରୁଜୁ କରି ତଦନ୍ତ ଚଳାଇଛି। ଗତ ୪ ବର୍ଷର ଅଡିଟ୍ ରିପୋର୍ଟ ଯାଞ୍ଚ କରାଯାଉଛି ବୋଲି ଥାନା ଅଧିକାରୀ ପ୍ରଭାସ ଚନ୍ଦ୍ର ସାହୁ କହିଛନ୍ତି।