କେସିଙ୍ଗା,୬।୫(ଡି.ଏନ୍.ଏ.): କଳାହାଣ୍ଡି ଜିଲା କେସିଙ୍ଗା ବ୍ଲକରେ ଦିବ୍ୟାଙ୍ଗ, ବିଧବା ଏବଂ ବାର୍ଦ୍ଧକ୍ୟ ଭତ୍ତା ଟଙ୍କା ଆତ୍ମସାତ ହୋଇଥିବା ଜଣାପଡ଼ିଛିି। ଏ ନେଇ କଳାହାଣ୍ଡି ଭିଜିଲାନ୍ସ ପକ୍ଷରୁ ବ୍ଲକରେ କାର୍ଯ୍ୟରତ ୮ କର୍ମଚାରୀଙ୍କ ରିପୋର୍ଟ ମାଗିଛି। ଏହାକୁ ନେଇ ବ୍ଲକ କାର୍ଯ୍ୟାଳୟରେ ଚାଞ୍ଚଲ୍ୟ ସୃଷ୍ଟି ହୋଇଛି।
ସୂଚନାଯୋଗ୍ୟ, ୨୦୧୯-୨୦ ଆର୍ଥିକ ବର୍ଷରେ ସିରଜାପାଲି ପଞ୍ଚାୟତର ପିଇଓ ଭତ୍ତା ବାଣ୍ଟିବା ପାଇଁ ବ୍ଲକ କାର୍ଯ୍ୟାଳୟରୁ ୩୫ ଲକ୍ଷ ୨୨ହଜାର ୨୦୦ ଟଙ୍କା ଉଠାଇ ନେଇଥିଲେ। ଘଟଣାର ୩ ବର୍ଷ ବିତିଯାଇଥିଲେ ମଧ୍ୟ ପଞ୍ଚାୟତ ପିଇଓ ହିସାବ ଦେଇ ନ ଥିଲେ। ଅଡିଟ ରିପୋର୍ଟ ମୁତାବକ ଉକ୍ତ କର୍ମଚାରୀଙ୍କ ନାମରେ ୩୫ ଲକ୍ଷ ୨୨ ହାଜର ୨୦୦ ଟଙ୍କାର ହିସାବ ଠିକ୍ ନ ଥିବାରୁ କଳାହାଣ୍ଡି ଭିଜିଲାନ୍ସ ପକ୍ଷରୁ ରିପୋର୍ଟ ମଗାଯାଇଛି। ଅନ୍ୟପକ୍ଷେ ବ୍ଲକର ୪୪ଜଣ କର୍ମଚାରୀଙ୍କ ବିରୋଧରେ ଅଡିଟ ରିପୋର୍ଟରେ ଟଙ୍କା ହଡ଼ପ ଅଭିଯୋଗ ହୋଇଛି। ଏପରି କି ବ୍ଲକର ୨ କୋଟି ୮୪ ଲକ୍ଷ ୩୬ ହଜାର ୮ଶହ ଟଙ୍କା ଭତ୍ତା ବାବଦ ଏଯାବତ ହିସାବ କର୍ମଚାରୀ ଦେଇ ନ ଥିବା ଅଭିଯୋଗ ହୋଇଛି।