ନୂଆଦିଲ୍ଲୀ,୨୨।୧୧: କେନ୍ଦ୍ର ସରକାର ଅକ୍ଟୋବର ସୁଦ୍ଧା ୬ ଲକ୍ଷ କୋଟି ଟଙ୍କାର ନେଟ୍ ପ୍ରତ୍ୟକ୍ଷ ଟିକସ ଆଦାୟ କରିବାକୁ ସକ୍ଷମ ହୋଇଛନ୍ତି। ସେହିଭଳି ଚଳିତ ଆର୍ଥତ୍କ ବର୍ଷରେ ହାରାହାରି ମାସିକ ଜିଏସ୍ଟି ଆଦାୟ ପ୍ରାୟ ୧.୫ ଲକ୍ଷ କୋଟି ଟଙ୍କା ରହିବ। ଚଳିତ ଆର୍ଥତ୍କ ବର୍ଷ ଶେଷରେ କେନ୍ଦ୍ର ସରକାର ବଜେଟରେ ଧାର୍ଯ୍ୟ କରିଥିବା ଟିକସ ସଂଗ୍ରହ ଲକ୍ଷ୍ୟ ଟପିବ ବୋଲି କେନ୍ଦ୍ର ରାଜସ୍ବ ସଚିବ ତରୁଣ ବଜାଜ ରବିବାର କହିଛନ୍ତି।
କହିଛନ୍ତି, ପେଟ୍ରୋଲ ଏବଂ ଡିଜେଲ ଉପରେ ହୋଇଥିବା ଉତ୍ପାଦ ଟିକସ ହ୍ରାସ ଯୋଗୁ କେନ୍ଦ୍ର ସରକାରଙ୍କୁ ଚଳିତ ଆର୍ଥତ୍କ ବର୍ଷରେ ୮୦ ହଜାର କୋଟି ଟଙ୍କା କ୍ଷତି ସହିବାକୁ ପଡ଼ିବ। ରିଫଣ୍ଡ ଦେବା ପରେ ମଧ୍ୟ ଟିକସ ସଂଗ୍ରହ ୬ ଲକ୍ଷ କୋଟି ଟଙ୍କା ରହିଥିବାରୁ ବଜେଟ ଲକ୍ଷ୍ୟ ପୂରଣ ଲାଗି ସକ୍ଷମ ହେବୁ ବୋଲି ବଜାଜ ମତ ରଖିଛନ୍ତି। ଚଳିତ ଆର୍ଥତ୍କ ବର୍ଷରେ ୨୨.୨ ଲକ୍ଷ କୋଟି ଟଙ୍କାର ଟିକସ ଆଦାୟ କରିବା ଲାଗି ସରକାର ଲକ୍ଷ୍ୟ ରଖିଛନ୍ତି। ଟିକସ ସଂଗ୍ରହରେ ୯.୫% ଅଭିବୃଦ୍ଧି ଆଶା ରଖାଯାଇଛି। ଗତ ଆର୍ଥତ୍କ ବର୍ଷରେ ଟିକସ ଆଦାୟ ୨୦.୨ ଲକ୍ଷ କୋଟି ଟଙ୍କା ରହିଥିଲା। ପ୍ରତ୍ୟକ୍ଷ ଟିକସରୁ ୧୧ ଲକ୍ଷ କୋଟି ଆଦାୟ ଲକ୍ଷ୍ୟ ରହିଛି। ଏହା ମଧ୍ୟରେ ୫.୪୭ ଲକ୍ଷ କୋଟି ଟଙ୍କାର କର୍ପୋରେଟ ଟିକସ ଏବଂ ୫.୬୧ ଲକ୍ଷ କୋଟିର ଆୟକର ଆଦାୟ ହେବ ବୋଲି ଆକଳନ କରାଯାଇଛି।
ଛାଡ଼ିଦେଲେ ଜିଏସ୍ଟି ଆଦାୟ ମୋଟାମୋଟି ଭାବେ ଉନ୍ନତ ରହିଛି। ମାର୍ଚ୍ଚ ତ୍ରୈମାସରେ ଏଥିରେ ଉନ୍ନତି ଆସିବ ବୋଲି ଆଶା କରାଯାଉଛି। ଅକ୍ଟୋବରେ ୧.୩୦ ଲକ୍ଷ କୋଟି ଟଙ୍କା ଆଦାୟ ହୋଇଛି। ପରୋକ୍ଷ ଟିକସ ଆଦାୟ ୧.୧୫ ଲକ୍ଷ କୋଟି ଟଙ୍କା ସ୍ତରରୁ କମି ନ ପାରେ। ଚଳିତ ଆର୍ଥତ୍କ ବର୍ଷରେ ୧.୩୬ ଲକ୍ଷ କୋଟିର ସୀମା ଶୁଳ୍କ, ୩.୩୫ ଲକ୍ଷ କୋଟି ଟଙ୍କାର ଉତ୍ପାଦ ଟିକସ, ଜିଏସ୍ଟି ଏବଂ କ୍ଷତିପୂରଣ ସେସ୍ ବାବଦକୁ ୬.୩୦ ଲକ୍ଷ କୋଟି ଆଦାୟ ହେବା ନେଇ ଆକଳନ କରାଯାଇଛି।
