ଥିରୁଭାନନ୍ତପୁରମ୍,୧୫।୧୧: କେରଳର ପାଲକ୍କଡ ଜିଲାରେ ରାଷ୍ଟ୍ରିୟ ସ୍ବୟଂ ସେବକ ସଂଗଠନ (ଆରଏସଏସ) କାର୍ଯ୍ୟକର୍ତ୍ତାଙ୍କୁ ସୋମବାର ଛୁରି ଭୁସି ହତ୍ୟା କରାଯାଇଛି। ମୃତ ବ୍ୟକ୍ତିଙ୍କ ଜଣଙ୍କ ହେଲେ ୨୭ ବର୍ଷୀୟ ଏସ ସଞ୍ଜିତ। ଏହି ମୃତ୍ୟୁ ପାଇଁ ଭାଜପା ଜିଲା ସଭାପତି କେ.ଏମ ହରିଦାସ ସୋସିଆଲ ଡେମୋକ୍ରାଟିକ ପାର୍ଟି ଅଫ ଇଣ୍ଡିଆର ରାଜନୈତିକ ୱିଙ୍ଗକୁ ଦାୟୀ କରିଛନ୍ତି।
ସୂଚନାଯୋଗ୍ୟ, ସୋମବାର ସକାଳ ପ୍ରାୟ ୯ଟା ବେଳେ ସେ ନିଜ ସ୍ତ୍ରୀଙ୍କ ସହ ଜିଲାର ମାମ୍ରାମ ଅଞ୍ଚଳରେ କାମ କରିବାକୁ ଯାଉଥିବା ବେଳେ ଏକ ଗ୍ୟାଙ୍ଗ ସଞ୍ଜିତଙ୍କୁ ଧରିଥିଲା। ସ୍ତ୍ରୀଙ୍କ ଆଗରେ ତାଙ୍କୁ ଛୁରୀ ଭୁସି ହତ୍ୟା କରାଯାଇଥିଲା। ହତ୍ୟା ପରେ ଏହି ଅଞ୍ଚଳରେ ଉତ୍ତେଜନା ଦେଖାଦେଇଛି ଏବଂ ପୋଲିସ ତୀକ୍ଷ୍ଣ ନଜର ରଖିଛି। ଘଟଣା ପରେ ଘଟଣାସ୍ଥଳରୁ ପଳାଇଥିବା ଅଭିଯୁକ୍ତକୁ ଖୋଜିବା ପାଇଁ ପୋଲିସ ତଦନ୍ତ ଆରମ୍ଭ କରିଛି। ଆରଏସଏସ କର୍ମଚାରୀଙ୍କ ହତ୍ୟାକୁ ନିନ୍ଦା କରି ଭାଜପା ରାଜ୍ୟ ସଭାପତି କେ ସୁରେନ୍ଦ୍ରନ କହିଛନ୍ତି ଯେ, ଏହା ଏକ ଯୋଜନାବଦ୍ଧ ହତ୍ୟାକାଣ୍ଡ ଏବଂ ରାଜ୍ୟରେ ଏଭଳି ଘଟଣା ଘଟିବାକୁ ପୋଲିସ ଏବଂ ପିନାରାଇ ବିଜୟନ ନେତୃତ୍ୱାଧୀନ ସରକାରଙ୍କ ବିଫଳତାକୁ ଦାୟୀ କରିଛି।
