ମାଲକାନଗିରି,୧୨ା୪(ଡି.ଏନ୍.ଏ.): ମାଲକାନଗିରି ଜିଲାରେ ଗତ ସପ୍ତାହରେ ଏକ ପିଚୁପଡିଆ ରାସ୍ତାରେ ଗୋଟିଏ ମହାବଳ ବାଘ ବୁଲୁଥିବା ଭିଡିଓ ଭାଇରାଲ ହୋଇଛି। ତେବେ ଏହାକୁ ଗୁଜବ ବୋଲି ମାଲକାନଗିରି ବନାଞ୍ଚଳ ଅଧିକାରୀ ସୁଶାନ୍ତ କୁମାର ଦଳେଇ କହିଛନ୍ତି। ସମ୍ପୃକ୍ତ ଅଞ୍ଚଳର ଲୋକମାନେ ଭୟଭୀତ ନ ହୋଇ ନିର୍ଭୟରେ ଜଙ୍ଗଲଜାତ ଦ୍ରବ୍ୟ ସଂଗ୍ରହ କରିବା ଲାଗି ପରାମର୍ଶ ଦେଇଛନ୍ତି। ଏହି ମହାବଳ ବାଘ ବୁଲୁଥିବା ଏବଂ ତା’ର ପାଦ ଚିହ୍ନ ଜଙ୍ଗଲ ମଧ୍ୟରେ ଥିବା ସୋସିଆଲ ମିଡିଆରେ ଭାଇରାଲ ହୋଇଥିଲା।
ଏହି ସମ୍ପର୍କରେ ବନାଞ୍ଚଳ ଅଧିକାରୀ ଦଳେଇ କହିଛନ୍ତି, ଏହା ଏକ ଗୁଜବ। ଯେଉଁ ଭିଡିଓଟି ଭାଇରାଲ ହେଉଛି ତାହା କର୍ନାଟକ ହୁଗୁଲି ଅଭୟାରଣ୍ୟର। ପିଚୁରାସ୍ତା କଡରେ ବାଘ ଯାଉଥିବା କଲଭର୍ଟର ଉଭୟ ସାଇଟ୍ରେ ପିଲରଗୁଡିକ ଉପରେ ହଳଦିଆ, ତଳେ ଧଳା କଲର ମାର୍କ ରହିଛି, ଯାହା ଆମ ଓଡ଼ିଶାରେ ଏପରି ରଙ୍ଗର ସଙ୍କେତ କେଉଁଠି ନାହିଁ। ଜନସାଧାରଣଙ୍କ ମହାବଳ ବାଘ ଥିବା ଭିଡିଓକୁ ବିଶ୍ୱାସ ନ କରିବାକୁ ସେ ପରାମର୍ଶ ଦେଇଛନ୍ତି। ତେବେ ଏହି ଭିଡିଓ କେଉଁଠୁ ଆସିଛି, କିଏ ଭାଇରାଲ କରିଛି ତାର ତଦନ୍ତ କରିବାକୁ ସେ ନିର୍ଦ୍ଦେଶ ଦେଇଥିବା କହିଛନ୍ତି। ଏହି ସମ୍ପର୍କରେ ନିଲିଗୁଡା ପୂର୍ବତନ ସରପଞ୍ଚ ବୁଦୁରା କାର୍ତ୍ତାମି କହିଛନ୍ତି, ମାଟେରୁ, ନିଲିଗୁଡା ପଞ୍ଚାୟତରେ ମହାବଳ ବାଘକୁ ନେଇ ଗୁଜବ ସୃଷ୍ଟି କରାଯାଇଛି । ଏଥିରେ କିଛି ସତ୍ୟତା ନାହିଁ।