ଚେନ୍ନାଇ, ୧୩ା୪- ମୁମ୍ବାଇ ଇଣ୍ଡିଆନ୍ସର ଶକ୍ତିଶାଳୀ ବ୍ୟାଟିଂ ଲାଇନ୍ଅପ୍କୁ ବିଗାଡି ଦେଲେ କୋଲକାତା ନାଇଟ୍ ରାଇଡର୍ସ (କେକେଆର) ବୋଲରମାନେ। ଆନ୍ଧ୍ରେ ରସେଲ ଏହାର ପୂରା ଶ୍ରେୟ ପାଇଁ ହକ୍ଦାର। ସେ ମାତ୍ର ୨ ଓଭରରେ ୧୫ ରନ୍ ଦେଇ ହାତେଇଛନ୍ତି ୫ ଉଇକେଟ। ଏହା ତାଙ୍କ କ୍ୟାରିୟରର ଶ୍ରେଷ୍ଠ ବୋଲିଂ ପ୍ରଦର୍ଶନ। ତାଙ୍କ ବ୍ୟତୀତ ପାଟ କୁମିନ୍ସ ଦୁଇଟି ସଫଳତା ପାଇଥିବାବେଳେ ଶାକିବ ଅଲ ହାସନ, ବରୁଣ ଚକ୍ରବର୍ତ୍ତୀ ଓ ପ୍ରସିଦ୍ଧ କ୍ରିଷ୍ଣା ହାତେଇଥିଲେ ଗୋଟିଏ ଲେଖାଏ ଉଇକେଟ। ଫଳରେ ମୁମ୍ବାଇ ଦଳ ପୂରା ୨୦ ଓଭରରେ ୧୫୨ ରନ୍ରେ ଅଲଆଉଟ୍ ହୋଇଯାଇଛି। କେକେଆର ଆଗରେ ଧାର୍ଯ୍ୟ ହୋଇଛି ୧୫୩ ରନ୍ର ଟାର୍ଗେଟ।