କିଭ୍,୨୭।୮ : ରୁଷିଆ ଏବଂ ୟୁକ୍ରେନ ମଧ୍ୟରେ ଚାଲିଥିବା ଯୁଦ୍ଧକୁ ଏକ ବର୍ଷରୁ ଅଧିକ ସମୟ ବିତିଗଲାଣି, କିନ୍ତୁ ଯୁଦ୍ଧ ବନ୍ଦ ହେବାର ନାମ ନେଉନାହିଁ। ରୁଷିଆର ରାଜଧାନୀ ମସ୍କୋରେ ୟୁକ୍ରେନ ଡ୍ରୋନ ଆକ୍ରମଣ କରିବା ପରେ ଏବେ ରୁଷିଆ ମଧ୍ୟ ୟୁକ୍ରେନର ରାଜଧାନୀ କିଭ ଉପରେ ଯୁଦ୍ଧ ବିମାନ ଦ୍ୱାରା ବୋମା ମାଡ଼ କରିଛି। କିଭର ବାହାର ଅଞ୍ଚଳରେ ଏହି ଆକ୍ରମଣ କରାଯାଇଛି।
କିଭର ସାମରିକ ପ୍ରଶାସନ ଟେଲିଗ୍ରାମ ମେସେଜିଂ ଆପରେ କହିଛନ୍ତି ୟୁକ୍ରେନ କ୍ରମାଗତ ଭାବରେ ରାଜଧାନୀ ଉପରେ ହୋଇଥିବା ଏୟାର ଷ୍ଟ୍ରାଇକକୁ ବାଧା ଦେଉଛି। ରବିବାର ସକାଳେ କିଭ ଉପରେ ରୁଷିଆର ଯୁଦ୍ଧ ବିମାନ ଦ୍ୱାରା ଆକ୍ରମଣ ହୋଇଥିଲା, ଯାହାକୁ ୟୁକ୍ରେନର ବାୟୁ ପ୍ରତିରକ୍ଷା ପ୍ରଣାଳୀ ବିଫଳ କରିବାରେ ସଫଳ ହୋଇଥିଲା। ସମଗ୍ର ୟୁକ୍ରେନରେ ଭୋର ୫ ଟାରେ ସାଇରନ ବାଜିବା ଆରମ୍ଭ କରିଥିଲା।