ମସ୍କୋ/ବେଜିଂ,୨୮।୮ : ରୁଷିଆର ଯୁଦ୍ଧ ଜାହାଜ ଚାଇନା ନୌସେନା ସହିତ ପ୍ରଶାନ୍ତ ମହାସାଗରରେ ମିଳିତ ନୌସମରାଭ୍ୟାସ କରିଛି। ଦୁଇ ଦେଶ ଆମେରିକାର ପଶ୍ଚିମ ତଟ ନିକଟରେ ନୌସମରାଭ୍ୟାସ କରିଛନ୍ତି। ତିନି ସପ୍ତାହରୁ ଅଧିକ ସମୟ ନୌସମରାଭ୍ୟାସ କରିବା ପରେ ରୁଷିଆର ନୌସେନା ଯୁଦ୍ଧ ଜାହାଜ ଫେର ଯାଇଛି।
ରୁଷିଆର ଯୁଦ୍ଧ ଜାହାଜ ଚାଇନା ନୌସେନାର ଏକ ସ୍କ୍ବାଡ୍ରନ ସହିତ ଜାପାନ ସାଗର, ଚହୋଟସ୍କ ସାଗର, ବେରିଙ୍ଗ ସାଗର ଏବଂ ପ୍ରଶାନ୍ତ ମହାସାଗରରୁ ୧୩ ହଜାର କିଲୋମିଟରରୁ ଅଧିକ ଯାତ୍ରା କରିଥିଲା।
ଏହି ସମୟ ମଧ୍ୟରେ, ଉତ୍ତର ଜାପାନର ହକ୍କାଇଡୋ ଦ୍ୱୀପ ନିକଟରେ ମଧ୍ୟ ଏହି ଦଳ ଅତିକ୍ରମ କରିଥିଲା। ହକ୍କାଇଡୋ ହେଉଛି ରୁଷିଆର କୁରିଲ ଏବଂ ଜାପାନର ଉତ୍ତର ପ୍ରଦେଶ। ଦୀର୍ଘ ଦଶନ୍ଧି ଧରି ଏହି ଅଞ୍ଚଳ ପଡୋଶୀ ଦେଶ ମଧ୍ୟରେ ତିକ୍ତତାର କେନ୍ଦ୍ରବିନ୍ଦୁ ପାଲଟିଛି। ଏଥିସହ ରୁଷିଆ-ଚାଇନା ଯୁଦ୍ଧ ଜାହାଜ ମଧ୍ୟ ଆଲେଟିଆନ ଦ୍ୱୀପପୁଞ୍ଜକୁ ଘେରି ରହିଥିଲା।
ଏକ ରିପୋର୍ଟ ଅନୁଯାୟୀ, ଅଗଷ୍ଟ ଆରମ୍ଭରେ, ୧୧ଟି ରୁଷିଆ ଏବଂ ଚାଇନାର ଜାହାଜ ଆଲେଉଟିଆନ ଦ୍ୱୀପପୁଞ୍ଜ ନିକଟରେ ପହଞ୍ଚିଥିଲେ, ଯାହା ଆମେରିକାର କୂଳରେ ପହଞ୍ଚିବା ପାଇଁ ସର୍ବ ବୃହତ ଜାହାଜ ଦଳ ଅଟେ। ଏଥି ସହିତ ଆମେରିକାର ଅଧିକାରୀଙ୍କ ଉଦ୍ଧେଶ୍ୟରେ କୁହାଯାଇଥିଲା ଯେ ଏହି ଜାହାଜ କେବେବି ଆମେରିକୀୟ ଜଳ ଭିତରକୁ ପ୍ରବେଶ କରି ନାହିଁ।