କ୍ୱିଭ୍,୧୩ା୬: ୟୁକ୍ରେନର ସିଭିଏରୋଡୋନେଟସ୍କକୁ ଦେଶର ଅନ୍ୟ ସହର ସହିତ ସଂଯୋଗ କରୁଥିବା ନଦୀର ପୋଲ ଉଡ଼ାଇ ଦେଇଛି ରୁଷିଆ ସେନା। ଏହା ସହିତ ଏକମାତ୍ର ଯାତାୟାତର ମାଧ୍ୟମ ଥିବା ଏହି ପୋଲ ରୁଷିଆ ଉଡ଼ାଇ ଦେଇଥିବାରୁ ଲୋକେ ବାହାରକୁ ଯାଇପାରୁ ନ ଥିବା ସ୍ଥାନୀୟ କର୍ତ୍ତୃପକ୍ଷ ସୂଚନା ଦେଇଛନ୍ତି।
ୟୁକ୍ରେନର ପୂର୍ବ ଭାଗରେ ଡୋନବାସ କାବୁ କରିବା ପାଇଁ ସିଭିଏରୋଡୋନେଟସ୍କ ଯୁଦ୍ଧର ମୁଖ୍ୟ କେନ୍ଦ୍ର ପାଲଟିଥିଲା। ୨୪ ଫେବୃୟାରୀରେ ୟୁକ୍ରେନ ଉପରେ ରୁଷିଆ ଆକ୍ରମଣ ପରେ ସହରର ଅନେକ ସ୍ଥାନରେ ଅବସ୍ଥା ଆହୁରି ଶୋଚନୀୟ ହୋଇଯାଇଥିଲା। ୟୁକ୍ରେନ ରାଷ୍ଟ୍ରପତି ଭ୍ଲାଡିମିର ଜେଲେନସ୍କି ଏକ ଭିଡିଓ ବାର୍ତ୍ତାରେ କହିଛନ୍ତି, ‘ଦଖଲକାରୀଙ୍କ ମୂଳ ଉଦ୍ଦେଶ୍ୟ କୌଣସି ପରିବର୍ତ୍ତନ ହୋଇନାହିଁ, ସେମାନେ ସିଭିଏରୋଡୋନେଟସ୍କରେ ଚାପ ପକାଉଛନ୍ତି, ସେଠାରେ ଏକ ସଂଘର୍ଷପୂର୍ଣ୍ଣ ଯୁଦ୍ଧ ଚାଲିଛି। ରୁଷିଆ ସୈନିକମାନେ ଡୋନବାସରେ ରିଜର୍ଭ ଫୋର୍ସ ମୁତୟନ କରିବାକୁ ଚେଷ୍ଟା କରୁଛନ୍ତି।
