କ୍ୱିଭ/ମସ୍କୋ/ୱାଶିଂଟନ,୧୪ ।୩: ରୁଷିଆ ଓ ୟୁକ୍ରେନ ମଧ୍ୟରେ ଚାଲିଥିବା ଯୁଦ୍ଧ ୨ ସପ୍ତାହରୁ ଅଧିକ ସମୟ ହୋଇଥିଲେ ବି ଏବେବି ଏହା କମ୍ ହୋଇନାହିଁ । ରୁଷିଆ ପକ୍ଷରୁ ୟୁକ୍ରେନର ଏକ ସେନା ପ୍ରଶିକ୍ଷଣ କେନ୍ଦ୍ର ଉପରେ ମିଶାଇଲ ମାଡ କରାଯିବା ଫଳରେ ୧୮୦ ଜଣଙ୍କ ମୃତ୍ୟୁ ହୋଇଥିବା ରୁଷିଆ ଦାବି କରିଛି । ରୁଷିଆ କହିଛି ଏହି ଆକ୍ରମଣରେ ମୃତ୍ୟୁ ହୋଇଥିବା ସମସ୍ତ ୧୮୦ ସେନା ଭଡାରେ ଆସିଥିଲେ । ଆହୁରି ମଧ୍ୟ ରୁଷିଆ ପ୍ରତିରକ୍ଷା ମନ୍ତ୍ରଣାଳୟ କହିଛି ୟାୱେରିଓରେ ଥିବା ସେନା ପ୍ରଶିକ୍ଷଣ କେନ୍ଦ୍ର ବାହାର ଦେଶରୁ ଆସୁଥିବା ସେନା ଉପରକରଣର ଭଣ୍ଡାର ଭାବେ ବ୍ୟବହାର କରାଯାଉଥିଲା । ଏହା ଉପରେ ଆକ୍ରମଣ ଫଳରେ ବିଦେଶରୁ ଭଡାରେ ଆସିଥିବା ୧୮୦ ସେନାଙ୍କ ମୃତ୍ୟୁ ହେବା ସହ ବହୁ ପରିମାଣରେ ଗୋଳାବାରୁଦ ନଷ୍ଟ ହୋଇଯାଇଛି । ରୁଷିଆ କହିଛି ସେ ପର୍ଯ୍ୟନ୍ତ ସେ ସେହିମାନଙ୍କୁ ନିହତ କରିବ ଯେଉଁମାନେ ବିଦେଶରୁ ଭଡା ସେନା ଭାବେ ୟୁକ୍ରେନ୍ ଆସିଛନ୍ତି । ରୁଷିଆର ସେନା ପ୍ରଶିକ୍ଷଣ କେନ୍ଦ୍ରରେ ୩୦ରୁ ଅଧିକ କ୍ରୁଜ ମିଶାଇଲ ମାଡ କରାଯାଇଛି ।
ଅନ୍ୟପଟେ ୟୁକ୍ରେନ୍ ଦାବି କରିଛି ଯେ ରୁଷିଆର ମିଶାଇଲ ମାଡରେ ୩୫ ସେନାଙ୍କ ମୃତ୍ୟୁ ହୋଇଥିବା ବେଳେ ୧୩୪ ଆହତ ହୋଇଛନ୍ତି ।