ମସ୍କୋ,୧୬ା୮: ରୁଷିଆର ବୈଦେଶିକ ମନ୍ତ୍ରୀ ସର୍ଗେଇ ଲାଭ୍ରୋଭ ଭାରତକୁ ପ୍ରଶଂସା କରିଛନ୍ତି। ଏଥିସହ ଅନ୍ୟାନ୍ୟ ଗ୍ଲୋବାଲ ସାଉଥ୍ ଦେଶକୁ ମଧ୍ୟ ପ୍ରଶଂସା କରିଛନ୍ତି। ଭାରତର ନିରପେକ୍ଷ ଏବଂ ବାସ୍ତବବାଦୀ ଆଭିମୁଖ୍ୟକୁ ପ୍ରଶଂସା କରି ଲାଭ୍ରୋଭ କହିଛନ୍ତି, ଯୁଦ୍ଧର ସମାଧାନ ଖୋଜିବାରେ ଭାରତ ସହାୟକ ହେବ।
ସେ କହିଛନ୍ତି, ବିକାଶଶୀଳ ଦେଶଗୁଡ଼ିକର ପ୍ରସ୍ତାବଗୁଡ଼ିକ ବର୍ତ୍ତମାନର ବିକାଶର ପ୍ରକୃତ କାରଣ ଏବଂ ପ୍ରକୃତିର ବୁଝାମଣା ଉପରେ ଆଧାରିତ। ଅନ୍ତର୍ଜାତୀୟ ସୁରକ୍ଷା ଉପରେ ଏକାଦଶ ମସ୍କୋ ସମ୍ମିଳନୀକୁ ସମ୍ବୋଧିତ କରି ଲାଭ୍ରୋଭ ଏ କଥା କହିଛନ୍ତି। ସେ କହିଛନ୍ତି, ଚାଇନା, ବ୍ରାଜିଲ, ଦକ୍ଷିଣ ଆଫ୍ରିକା, ଇଜିପ୍ଟ, ଭାରତ ଏକ ଉଚିତ ତଥା ବାସ୍ତବ ସମାଧାନର ରାସ୍ତା ଖୋଜିବାର ପ୍ରୋତ୍ସାହନ ଦେଇଥିବାରୁ ଆମେ ପ୍ରଶଂସା କରୁଛୁ।
ଏହି ସମ୍ମିଳନୀରେ ଲାଭ୍ରୋଭ ମଧ୍ୟ ଆମେରିକା ପ୍ରତି ଅଭିଯୋଗ ଆଣିଛନ୍ତି। ସେ କହିଛନ୍ତି, ଆମେରିକା ଅନେକ ପ୍ରମୁଖ ଅସ୍ତ୍ର ନିୟନ୍ତ୍ରଣ ଏବଂ ପ୍ରସାର ନ କରିବା ଚୁକ୍ତି ଭଙ୍ଗ କରିଛି। ସେ ଆହୁରି ମଧ୍ୟ ଆଶଙ୍କା କରୁଛନ୍ତି ଯେ, ଆଣବିକ ଅସ୍ତ୍ର ପ୍ରସାର ନ କରିବା ସନ୍ଧି ଉପରେ ରୋକୋ ଲଗାଇବାକୁ ବର୍ତ୍ତମାନ ପ୍ରସ୍ତୁତ ଅଛି।