ମସ୍କୋ/କ୍ୱିଭ,୩୦ ।୧୦: ରୁଷିଆ ପ୍ରତିରକ୍ଷା ମନ୍ତ୍ରଣାଳୟ ଶନିବାର ୟୁକ୍ରେନ୍ ଉପରେ ବଡ ଅଭିଯୋଗ ଆଣିଛି । ରୁଷିଆ କହିଛି ୟୁକ୍ରେନ କ୍ରିମିୟାର ସବୁଠାରୁ ବଡ ସହର ଓ ବନ୍ଦର, ଜାହାଜ ଉପରେ ଡ୍ରୋନ୍ ଆକ୍ରମଣ କରିଛି ଯାହା ଏକ ଆତଙ୍କବାଦୀ କାର୍ଯ୍ୟ । ରୁଷିଆ ୟୁଏନଏସସି ସହିତ ଅନ୍ତରାଷ୍ଟ୍ରୀୟ ସମୁଦାୟକୁ ଏହି ଆକ୍ରମଣକୁ ନିନ୍ଦା କରିବା ସହ ଏହା ଏକ ଆତଙ୍କବାଦୀ କାର୍ଯ୍ୟ ବୋଲି କହିଛି । ରୁଷିଆ କହିଛି ୟୁରୋପୀୟ ଦେଶ ବ୍ରିଟେନ ସହାୟତାରେ ୟୁକ୍ରେନ ଏହି ଘଟଣା ଘଟାଇଛି, ଯେଉଁଥିପାଇଁ ଆମେ ଖାଦ୍ୟଶସ୍ୟ କରିଡରକୁ ବନ୍ଦ କରିବାକୁ ବାଧ୍ୟ ହେଉଛୁ ।
ରୁଷିଆ ଅଭିଯୋଗ କରିଛି ଯେ ୟୁକ୍ରେନ୍ ସେନା ରୁଷିଆ ଅଧିକୃତ କ୍ରିମିୟାର ସବୁଠାରୁ ବଡ ସହର ସେଭାଷ୍ଟୋପୋଲରେ ବ୍ଲାକ ସାଗରରେ ଥିବା ଜାହାଜରେ ଶନିବାର ୟୁକ୍ରେନ୍ ସେନା ଡ୍ରୋନ୍ ଷ୍ଟ୍ରାଇକ୍ କରିଛନ୍ତି । ୟୁକ୍ରେନ୍ ସେନା ସେଭାଷ୍ଟୋପୋଲ ବେସ୍ର ବାହାର ତଥା ଭିତର ରାସ୍ତାରେ ବ୍ଲାକ ସାଗର ଫ୍ଲାଇଟ ଜାହାଜ ଏବଂ ବେସାମରିକ ଜାହାଜ ଉପରେ ଆତଙ୍କବାଦୀ ଆକ୍ରମଣ କରିଥିଲେ । ଏହି ଆକ୍ରମଣରେ ୯ଟି ମାନବ ବିହୀନ ବିମାନ ଯାନ ଏବଂ ୭ଟି ସ୍ୱୟଂଶାସିତ ସାମୁଦ୍ରିକ ଡ୍ରୋନ୍ ସାମିଲ ହୋଇଛି ।
ଏହି ଅଭିଯୋଗ ଉପରେ ମଧ୍ୟ ବ୍ଲାକ ସାଗର ଶସ୍ୟ ଉଦ୍ୟମକୁ ଧ୍ୱଂସ କରିବାକୁ ରୁଷିଆର ଯୋଜନା ବିଷୟରେ ଆମେ ଚେତାବନୀ ଦେଇଛୁ ବୋଲି କହିଛି ୟୁକ୍ରେନ୍ । ବର୍ତ୍ତମାନ ମସ୍କୋ ଶସ୍ୟ କରିଡରକୁ ଅବରୋଧ କରିବା ପାଇଁ ମିଥ୍ୟା ବାହାନା କରୁଛି, ଯାହା ଲକ୍ଷ ଲକ୍ଷ ଲୋକଙ୍କ ଖାଦ୍ୟ ନିରାପତ୍ତାକୁ ସୁନିଶ୍ଚତ କରୁଛି । ମୁଁ ରୁଷିଆ ଦେଶକୁ ଅନୁରୋଧ କରୁଛି ଯେ କ୍ଷୁଧା ଖେଳ ବନ୍ଦ କରନ୍ତୁ ଏବଂ ଏହାର ଦାୟିତ୍ୱକୁ ନେଇ ପୁନଃ ପ୍ରତିଶ୍ରୁତିବଦ୍ଧ ହୁଅନ୍ତୁ ।
