ମସ୍କୋ,୩।୩ : ରୁଷିଆର ସ୍ପେସ ଏଜେନ୍ସି ରସକୋମୋସ ଦେଶର ଉପଗ୍ରହକୁ ନଷ୍ଟ କରିବାକୁ ଚେଷ୍ଟା କରୁଥିବା ହ୍ୟାକରମାନଙ୍କୁ ଚେତାବନୀ ଦେଇଛି । ସେମାନଙ୍କ କାର୍ଯ୍ୟକୁ ଯୁଦ୍ଧ ଘୋଷଣା ଭାବେ ବ୍ୟାଖ୍ୟା କରାଯାଇପାରେ ବୋଲି ଏଜେନ୍ସି କହିଛି। ଯାହା ଯୁଦ୍ଧ ପାଇଁ ଯଥାର୍ଥ ଭାବେ ବିବେଚନା କରାଯାଇ ପାରେ ବୋଲି ସ୍ପେସ ଏଜେନ୍ସି ପ୍ରକାଶ କରିଛି। ଆରଟି ଅନୁଯାୟୀ,ରୁଷିଆର ଆରକେଏ ମିଶନ ନିୟନ୍ତ୍ରଣ କେନ୍ଦ୍ର ଉପରେ ସାଇବର ଆକ୍ରମଣ ପରେ ଏ;ଜନ୍ସିର ମହାନିର୍ଦ୍ଦେଶକ ଦିମିଟ୍ରି ରୋଗୋଜିନଙ୍କ ମନ୍ତବ୍ୟ ଆସିଥିଲା।
ଏକ ନ୍ୟୁଜ୍ ଚ୍ୟାନେଲକୁ ସାକ୍ଷାତ୍କାର ଦେଇ ସେ କହିଥିଲେ ଯେ, ଏଭଳି କରୁଥିବା ଲୋକେ ଜାଣି ରଖିବା ଆବଶ୍ୟକ ଏହା ଏକ ଅପରାଧ। ଏନେଇ କଠୋର ଦଣ୍ଡ ବିଧାନ କରାଯାଇପାରେ। ଖୁବ୍ ଶୀଘ୍ର ସମ୍ପୃକ୍ତ ଲୋକଙ୍କୁ ଚିହ୍ନଟ କରାଯାଇ ଏହାର ଜବାବ ଦିଆ ଯିବ ବୋଲି ସେ କହିଛନ୍ତି। ଏହା ଦ୍ୱାରା ରୁଷିଆର ସାଟେଲାଇଟ୍ର କାର୍ଯ୍ୟରେ ବାଧା ସୃଷ୍ଟି କରାଯିବାର ଉଦ୍ୟମ କରାଯାଉଥିବା ସେ କହିଛନ୍ତି। ଏହା ଭୟଙ୍କର ପରିଣତି ଡାକି ଆଣିବ ବୋଲି ସେ ଚେତାବନୀ ଦେଇଛନ୍ତି।
ଏନବି-୬୫ ହ୍ୟାକର୍ ଗ୍ରୁପ ରୁଷିଆର ଉପଗ୍ରହ ସହିତ ରସକୋମୋସର ଯୋଗାଯୋଗକୁ ସଫଳତାର ସହ କରିଥିବା ଅଭିଯୋଗ ହୋଇଛି।
