କ୍ୱିଭ୍,୨୮।୨: ୟୁକ୍ରେନ-ରୁଷିଆ ମଧ୍ୟରେ ଯୁଦ୍ଧ ଜୋରଦାର ଚାଲିଛି। ରୁଷିଆର ଆକ୍ରମଣରେ ୟୁକ୍ରେନର ବହୁତ କ୍ଷତି ହୋଇଛି।ଲୋକମାନେ ନିଜ ଜୀବନ ବଞ୍ଚାଇବା ପାଇଁ ଏଠାକୁ ଦୌଡୁଛନ୍ତି। ଏଭଳି ପରିସ୍ଥିତିରେ ୟୁକ୍ରେନରେ ଫସି ରହିଥିବା ଭାରତୀୟ ନାଗରିକମାନେ ମଧ୍ୟ ନିଜ ଦେଶକୁ ଫେରିବାକୁ ଚାହୁଁଛନ୍ତି। ଏହି ଛାତ୍ରୀଛାତ୍ରମାନଙ୍କୁ ଭାରତରୁ ବାହାର କରିବା ପାଇଁ ବ୍ୟବସ୍ଥା କରାଯାଉଛି, କିନ୍ତୁ ଯୁଦ୍ଧ ମଝିରେ ବିମାନ ଉଡ଼ାଣ ବନ୍ଦ ଯୋଗୁ କିଛି ସମସ୍ୟା ରହିଛି।
ଏଭଳି ପରିସ୍ଥିତିରେ ଛାତ୍ରୀଛାତ୍ରଙ୍କ ସ୍ଥାନାନ୍ତର ପାଇଁ ଭାରତ ଅପରେସନ ଗଙ୍ଗା ଆରମ୍ଭ କରିଛି। ଏହା ଅଧୀନରେ ପଡୋଶୀ ଦେଶ ୟୁକ୍ରେନ ସହାୟତାରେ ଭାରତୀୟ ଛାତ୍ରମାନଙ୍କୁ ଅଣାଯାଉଛି। ଭାରତୀୟ ଦୂତାବାସ କହିଛି ଯେ,ଯେତେବେଳେ ବି ଭାରତୀୟ ଛାତ୍ରୀଛାତ୍ରମାନେ ବାହାରକୁ ଆସିବେ, ସେମାନେ ତ୍ରିରଙ୍ଗା ପତାକା ଧରି ବାହାରକୁ ବାହାରିବା ଆବଶ୍ୟକ। ୟୁକ୍ରେନ ଏବଂ ରୁଷିଆର ସୈନିକମାନେ ଗାଡିରେ ତ୍ରିରଙ୍ଗା ପତାକା ଦେଖିବା ପରେ ଗୁଳି ଚଳାଇବା ବନ୍ଦ କରୁଛନ୍ତି । କେବଳ ଏତିକି ନୁହେଁ, ଭାରତୀୟ ଛାତ୍ରୀଛାତ୍ରମାନଙ୍କୁ ମଧ୍ୟ ସେମାନେ ବାଟ ଦେଖାଉଛନ୍ତି। ଭାରତକୁ ଫେରିଥିବା ଛାତ୍ରୀଛାତ୍ରମାନେ ମଧ୍ୟ କହିଛନ୍ତି ଯେ ତ୍ରିରଙ୍ଗା ଯୋଗୁ ସେମାନେ ନିରାପଦରେ ଫେରିବାରେ ସକ୍ଷମ ହୋଇଛନ୍ତି।
