କ୍ୱିଭ୍/ମସ୍କୋ/ୱାଶିଂଟନ,୮ ।୩: ୟୁକ୍ରେନରେ ରୁଷିଆ ଆକ୍ରମଣ ଶିକାର ହୋଇଥିବା କର୍ନାଟକର ନବୀନ ଶେଖରପ୍ପାଙ୍କ ପାର୍ଥିବ ଶରୀର ଏ ଯାଏ ଭାରତ ଆସିନାହିଁ । ତେବେ ୟୁକ୍ରେନରେ ଗୁଳିଗୋଳା ବର୍ଷଣ କମିବା ପରେ ଯାଇ ନବୀନଙ୍କ ପାର୍ଥୀବ ଶରୀର ଭାରତ ଆସିବ ବୋଲି ଜଣାପଡିଛି । କର୍ନାଟକ ମୁଖ୍ୟମନ୍ତ୍ରୀ ବସବରାଜ ବୋମ୍ମଇ ମଙ୍ଗଳବାର ଏହି ସୂଚନା ଦେଇଛନ୍ତି ।
ଏନେଇ ବୈଦେଶିକ ମନ୍ତ୍ରୀ ଡା. ଏସ୍ ଜୟଶଙ୍କରଙ୍କ ସହ କଥା ହୋଇଥିଲା । ସେ ସୂଚନା ଦେଇଛନ୍ତି କି ନବୀନଙ୍କ ମୃତଦେହ ଶବଗୃହରେ ରଖାଯାଇଛି । ଯୁଦ୍ଧ କମିଲେ ତାଙ୍କ ପାର୍ଥିବ ଶରୀରକୁ ଭାରତ ଆଣିବାର ବ୍ୟବସ୍ଥା କରାଯିବ । ସୂଚନାଯୋଗ୍ୟ, ରୁଷିଆ-ୟୁକ୍ରେନ୍ ଯୁଦ୍ଧ ଆରମ୍ଭ ହେବା ବେଳକୁ ଅନେକ ଭାରତୀୟ ଛାତ୍ରୀଛାତ୍ର ୟୁକ୍ରେନରେ ଫସି ଯାଇଥିଲେ । ସେଠାରୁ ସେମାନେ କିଭଳି ଭାରତ ଆସିବେ ସେ ନେଇ ଚିନ୍ତା ବଢି ଯାଇଥିଲା । ଏହାରି ଭିତରେ ପ୍ରଥମେ ପ୍ରଥମେ କିଛି ସାମଗ୍ରୀ କିଣିବାକୁ ମଲ ଯାଇ ଧାଡିରେ ଠିଆ ହୋଇଥିବା ବେଳେ ନବୀନ ରୁଷିଆ ଆକ୍ରମଣରେ ନିହତ ହୋଇଥିଲେ । ଜିବିତ ନ ହେଲା ନାହିଁ ଶେଷ ଥର ପାଇଁ ପୁଅକୁ ମୃତଭାବେ ଦେଖିବାକୁ ପରିବାର ଅନାଇ ବସିଥିବା ବେଳେ ନବନଙ୍କ ପାର୍ଥିବ ଶରୀରା ଆସିବାରେ ଆହୁରି ବିଳମ୍ବ ହେବ ବୋଲି ଜଣାପଡିଛି ।