ମସ୍କୋ, ୪।୫:ରୁଷିଆ ରାଷ୍ଟ୍ରପତି ଭ୍ଲାଦିମିର ପୁଟିନ ୟୁକ୍ରେନ ଉପରେ ଅଭିଯୋଗ ଆଣିଛନ୍ତି କି ତାଙ୍କର କ୍ରେମଲିନରେ ଥିବା ଘର ଉପରେ ଡ୍ରୋନ ଆକ୍ରମଣ କରିବାକୁ ଚେଷ୍ଟା କରାଯାଇଛି। ରୁଷିଆ କହିଛି ପୁଟିନଙ୍କୁ ହତ୍ୟା କରିବାକୁ ଏଭଳି ଷଡଯନ୍ତ୍ର ରଚାଯାଇଛି। ହେଲେ ଏହି ସମୟରେ ରାଷ୍ଟ୍ରପତି ସେହି ଘରେ ଉପସ୍ଥିତ ନ ଥିଲେ।
ରୁଷିଆର ସଂସଦ କ୍ରେମଲିନରେ ରାଷ୍ଟ୍ରପତିଙ୍କ ଘର ଉପରେ ହୋଇଥିବା ଆକ୍ରମଣକୁ ଆତଙ୍କବାଦୀ ଆକ୍ରମଣ ବୋଲି କହିଛି। କ୍ରେମଲିନ କହିଛି ପୁଟିନ ଏହି ଆକ୍ରମଣରେ ଆହତ ହୋଇ ନାହାନ୍ତି, ଡ୍ରୋନ ଆକ୍ରମଣକୁ ସେନା ଓ ସ୍ପେଶାଲ ସର୍ଭିସ ଦ୍ୱାରା ନଷ୍ଟ କରି ଦିଆଯାଇଛି। ଏଥିରେ କୌଣସି କ୍ଷୟକ୍ଷତି ହୋଇ ନ ଥିବା ଜଣାପଡିଛି।
ପୁଟିନଙ୍କ ଉପରେ ଚେଷ୍ଟା କରାଯାଇଥିବା ଆକ୍ରମଣକୁ ନେଇ କ୍ରେମଲିନ ସଂସଦରେ କହିଛି କି ଖୁବଶୀଘ୍ର ରୁଷିଆ ପକ୍ଷରୁ ଏହାର ଜବାବ ଦିଆଯିବ। ଏହାକୁ ନେଇ ରୁଷିଆ ସେନାଙ୍କ ପକ୍ଷରୁ ବି ୟୁକ୍ରେନକୁ ଧମକ ଦିଆଯାଇଛି।
