କିଭ,୧୦।୯: ରୁଷିଆ ରବିବାର ଭୋର ସମୟରେ ୟୁକ୍ରେନ ରାଜଧାନୀ କିଭ ଉପରେ ଏୟାର ଷ୍ଟ୍ରାଇକ କରିଛି।
ଆକ୍ରମଣରେ ହୋଇଥିବା କ୍ଷୟକ୍ଷତି ସମ୍ପର୍କରେ ଜଣା ପଡି ନାହିଁ। ନ୍ୟୁଜ ଏଜେନ୍ସି ରଏଟର୍ସ ଅନୁଯାୟୀ କିଭରେ ଅତି କମରେ ପାଞ୍ଚଟି ବିସ୍ଫୋରଣ ଶବ୍ଦ ଶୁଣାଯାଇଛି ଏବଂ ୟୁକ୍ରେନ ମିଡିଆ ଫୁଟେଜରେ ଅନେକ କାର ନଷ୍ଟ ହୋଇଥିବା ଦେଖାଯାଇଛି।
ଐତିହାସିକ ପୋଡିଲ ପଡୋସରେ ଜଣେ ବ୍ୟକ୍ତି ଆହତ ହୋଇଥିବା ବେଳେ ସହରର ଏକ ପାର୍କ ନିକଟରେ ଅଗ୍ନିକାଣ୍ଡ ଘଟିଥିବା କିଭର ମେୟର ଭିଟାଲି କ୍ଲିଚକୋ କହିଛନ୍ତି।
କ୍ଲିଚକୋ ଏବଂ ସହରର ସାମରିକ ପ୍ରଶାସନ କହିଛନ୍ତି ଡ୍ରୋନିଟକି ସୋଲୋମିଆନସ୍କି, ଶେଭଚେଙ୍କିସ୍କି, ସ୍ବିୟାତୋସିନସ୍କି ଏବଂ ପୋଡିଲ ଜିଲା ଉପରେ ଡ୍ରୋନ ଆକ୍ରମଣ ହୋଇଛି। ଶେଭେଞ୍ଚିଭସ୍କି ଜିଲାରେ ଏକ ଆପାର୍ଟମେଣ୍ଟରେ ନିଆଁ ଲାଗିଯାଇଥିଲା ଯାହା ଶୀଘ୍ର ନିୟନ୍ତ୍ରଣକୁ ଆସିଥିଲା। କୌଣସି କ୍ଷତବିକ୍ଷତ ସମ୍ପର୍କରେ ତୁରନ୍ତ ଖବର ଆସିନାହିଁ ବୋଲି ଟେଲିଗ୍ରାମ ମେସେଜିଂ ଆପରେ କିଭର ସାମରିକ ପ୍ରଶାସନର ମୁଖ୍ୟ ସେରହି ପୋପକୋ କହିଛନ୍ତି।
ଏହି ଆକ୍ରମଣ ସମ୍ପର୍କରେ ରୁଷିଆ ପକ୍ଷରୁ କୌଣସି ମନ୍ତବ୍ୟ ପ୍ରକାଶ ପାଇନାହିଁ। ମସ୍କୋ ପ୍ରାୟ ରାତି ସମୟରେ ୟୁକ୍ରେନର ବିଭିନ୍ନ ଅଞ୍ଚଳ ଉପରେ ଆକ୍ରମଣ କରୁଛି। ବୁଧବାର ପୂର୍ବ କୋଷ୍ଟିଆଣ୍ଟିନିଭକୋ ସହରରେ ରୁଷିଆର ଆକ୍ରମଣରେ ୧୭ ଜଣଙ୍କର ମୃତ୍ୟୁ ଘଟିଥିଲା।