କ୍ୱିଭ୍,୧୪ ।୩: ରୁଷିଆ ପକ୍ଷରୁ ୟୁକ୍ରେନ୍ ଉପରେ ଆକ୍ରମଣକୁ ଆହୁରି ତୀବ୍ର କରାଯାଇଛି । ଏହାରି ଭିତରେ ଦ କ୍ୱିଭ ଇଣ୍ଡିପେଣ୍ଡେଟର ରିପୋର୍ଟରୁ ଜଣାପଡିଛି କି ରୁଷିଆ ଆକ୍ରମଣରେ ଏବେ ପର୍ଯ୍ୟନ୍ତ ୟୁକ୍ରେନର ୭ ହସ୍ପିଟାଲ ସମ୍ପୂର୍ଣ୍ଣ ଭାବେ ନଷ୍ଟ ହୋଇଯାଇଥିବା ବେଳେ ୧୦୪ଟି ହସ୍ପିଟାଲ କ୍ଷତିଗ୍ରସ୍ତ ହୋଇଛି । ଏହି ସୂଚନା ୟୁକ୍ରେନ୍ ସ୍ୱାସ୍ଥ୍ୟ ମନ୍ତ୍ରୀ ଭିକ୍ଟର ଲ୍ୟାଶକୋ ଦେଇଥିବା କୁହାଯାଇଛି । ପୁଟିନ ସେନା ବି ୬ ଚିକିତ୍ସା କର୍ମଚାରୀଙ୍କୁ ମାରି ଦେଇଥିବା ବେଳେ ଯୁଦ୍ଧ ଆରମ୍ଭୁ ଆହୁରି ୧୨ ଚିକିତ୍ସାକର୍ମୀ ଆହତ ହୋଇଛନ୍ତି । ସୂଚନାଯୋଗ୍ୟ, ନିକଟରେ ରୁଷିଆ ପକ୍ଷରୁ ଏକ ପ୍ରସୂତି ହସ୍ପିଟାଲରେ ବିସ୍ଫୋରଣ କରାଯିବା ଫଳରେ ଅନେକ ସଦ୍ୟ ପ୍ରସବା ମହିଳାଙ୍କ ମୃତ୍ୟୁ ହେବା ସହ କେତେଜଣ ଶିଶୁଙ୍କର ବି ଜୀବନ ଯାଇଛି । ଏହାସହ କେତେଜଣ ଗର୍ଭବତୀ ଗୁରୁତର ଭାବେ ଆହତ ବି ହୋଇଛନ୍ତି ।