ମସ୍କୋ,୩।୪: ରୁଷିଆର ସେଣ୍ଟ ପିଟର୍ସବର୍ଗରେ ଥିବା ଏକ କାଫେରେ ବିସ୍ଫୋରଣ ହେବା ଫଳରେ ରୁଷିଆ ସେନା ବ୍ଲଗର ଓ୍ବାଲାଡଲେନ ଟାଟାର୍ସକିଙ୍କ ମୃତ୍ୟୁ ହୋଇଯାଇଛି। ଏହାସହ ଏହି ବୋମା ବିସ୍ଫୋରଣରେ ଅତିକମରେ ୧୯ ଜଣ ଆହତ ହୋଇଛନ୍ତି। ଏହି ସୂଚନା ରୁଷିଆ ସରକାର ଦେଇଛନ୍ତି। ସୋସିଆଲ ମିଡିଆରେ ଏହି ବିସ୍ଫୋରଣ ସହ ଜଡିତ ଏକ ଭିଡିଓ ଏବେ ଭାଇରାଲ ହେଉଛି। ଏଥିରେ ଆହତ ଲୋକଙ୍କୁ ସଡ଼କ ଉପରେ ଦେଖିବାକୁ ମିଳିଛି। ଏବେ ପର୍ଯ୍ୟନ୍ତ ସ୍ପଷ୍ଟ ହୋଇନାହିଁ ଯେ ଏହି ବିସ୍ଫୋରଣ ପାଇଁ କିଏ ଦାୟୀ।