କିଭ୍,୨୮।୧: ୟୁକ୍ରେନ୍ ଉପରେ ଗୁରୁବାର ରୁଷିଆର କ୍ଷେପଣାସ୍ତ୍ର ମାଡ଼ରେ ୧୧ ଜଣଙ୍କ ମୃତ୍ୟୁ ଘଟିଛି। ଏହି ଆକ୍ରମଣରେ ଅନ୍ୟ ୧୧ ଜଣ ଆହତ ହୋଇଥିବା ୟୁକ୍ରେନ୍ ଜରୁରୀ ସେବା ବିଭାଗ ପକ୍ଷରୁ କୁହାଯାଇଛି। ମୁଖ୍ୟତଃ ୟୁକ୍ରେନ୍ର ବିଦ୍ୟୁତ୍ ଭିତ୍ତିଭୂମିକୁ ଟାର୍ଗେଟ କରି ରୁଷିଆ କ୍ଷେପଣାସ୍ତ୍ର ମାଡ଼ କରିଥିଲା। ଫଳରେ ଅନେକ ଅଞ୍ଚଳକୁ ବିଦ୍ୟୁତ୍ ଯୋଗାଣ ବନ୍ଦ ହୋଇଯାଇଛି। ଓଡେଶା କୃଷ୍ଣ ସାଗର ଅଞ୍ଚଳରେ ଥିବା ବିଦ୍ୟୁତ୍ ଭିତ୍ତିଭୂମି ଧ୍ୱଂସ ହୋଇଯାଇଛି। ରାଜଧାନୀ କିଭ୍ରେ ଜଣେ ପ୍ରାଣ ହରାଇଥିବାବେଳେ ଅନେକେ ମେଟ୍ରୋ ଷ୍ଟେଶନରେ ଆଶ୍ରୟ ନେବାକୁ ବାଧ୍ୟ ହୋଇଥିଲେ। ଆମେରିକା, କାନାଡ଼ା ଏବଂ ଜର୍ମାନୀ କିଭ୍କୁ ଟ୍ୟାଙ୍କ୍ ଯୋଗାଇବା ଲାଗି ରାଜି ହେବା ପରେ ମସ୍କୋ ପକ୍ଷରୁ ଏଭଳି ଆକ୍ରମଣ କରାଯାଇଛି। ରୁଷିଆର ୫୫ଟି କ୍ଷେପଣାସ୍ତ୍ରରୁ ୪୭ଟିକୁ ୟୁକ୍ରେନ୍ ଏୟାର ଡିଫେନ୍ସ ଖସାଇଥିବା ଦାବି କରିଛି।