ମସ୍କୋ,୫।୯: ରୁଷିଆ ଖୁବଶୀଘ୍ର ୬ଟି ଆଫ୍ରିକୀୟ ଦେଶକୁ ମାଗଣା ଶସ୍ୟ ଯୋଗାଇ ଦେବ ବୋଲି ଜଣାପଡିଛି। ରାଷ୍ଟ୍ରପତି ଭ୍ଲାଦିମିର ପୁଟିନ ତୁର୍କୀ ରାଷ୍ଟ୍ରପତି ରିସେପ ତାଇପ ଏର୍ଦୋଗନଙ୍କୁ କହିଛନ୍ତି ଯେ ରୁଷ୍ରିା ଏକ ବ୍ଲାକ ସି ଶସ୍ୟ ଚୁକ୍ତି ପାଇଁ ପ୍ରସ୍ତୁତ, କିନ୍ତୁ ପଶ୍ଚିମ ଦେଶଗୁଡିକ ରୁଷିଆର ସର୍ତ୍ତ ଗ୍ରହଣ କରିବାକୁ ପଡ଼ିବ। ଏର୍ଦୋଗନଙ୍କ ସହ କଥା ହେବା ପରେ ପୁଟିନ କହିଛନ୍ତି ୬ଟି ଆଫ୍ରିକୀୟ ଦେଶକୁ ମାଗଣା ଶସ୍ୟ ଯୋଗାଇବା ଚୁକ୍ତିର ଖୁବ ନିକଟତର ଅଛି ରୁଷିଆ।
ବ୍ଲାକ ସି ଶସ୍ୟ ରପ୍ତାନି ଚୁକ୍ତି ହେଉଛି ଏକ ଏମିତି ଚୁକ୍ତି ଯାହା ୟୁକ୍ରେନ ଶସ୍ୟକୁ ବିଶ୍ୱ ବଜାରକୁ ଆଣି ବିଶ୍ୱ ଖାଦ୍ୟ ସଙ୍କଟକୁ ହ୍ରାସ କରିପାରେ। ରୁଷିଆ ରାଷ୍ଟ୍ରପତି ଚୁକ୍ତିନାମାକୁ ଫେରାଇ ଆଣି ଏହି ସଙ୍କଟକୁ ଦୂର କରିବାରେ ସାହାଯ୍ୟ କରିବାକୁ ଚେଷ୍ଟା କରୁଛନ୍ତି। ମିଳିତ ଜାତିସଂଘ ଏବଂ ତୁର୍କୀର ମଧ୍ୟସ୍ଥତା ପରେ ରୁଷିଆ ଜୁଲାଇରେ ଏହି ଚୁକ୍ତି ଛାଡିଥିଲା।
ସୋଚି ବ୍ଲାକ ସିର ରିସର୍ଟରେ ପୁଟିନ ଏର୍ଦୋଗନଙ୍କୁ କହିଛନ୍ତି ଯେ ସେ ତୁର୍କୀରେ ଏକ ପ୍ରାକୃତିକ ଗ୍ୟାସ ହବ ଏବଂ ଏକ ଶସ୍ୟ କାରବାର ବିଷୟରେ ଆଲୋଚନା କରିବେ ବୋଲି ଆଶା କରିଛନ୍ତି। ପୁଟିନ କହିଛନ୍ତି, ମୁଁ ଜାଣେ ଆପଣ ଶସ୍ୟ କାରବାର ପ୍ରସଙ୍ଗ ଉଠାଇବେ। ଆମେ ଆଲୋଚନା ପାଇଁ ପ୍ରସ୍ତୁତ। ଶସ୍ୟ କରିଡର ପ୍ରସଙ୍ଗରେ ବିଶ୍ୱ ସମ୍ବାଦକୁ ଅପେକ୍ଷା କରିଛି ବୋଲି ଏରଦୋଗନ କହିଛନ୍ତି। ରୁଷିଆର ଏକ ପ୍ରମୁଖ ଦାବି ହେଉଛି ତା’ର କୃଷି ବ୍ୟାଙ୍କକୁ ସ୍ବିପ୍ଟ ଆନ୍ତର୍ଜାତୀୟ ଦେୟ ବ୍ୟବସ୍ଥା ସହିତ ପୁନଃ ସଂଯୋଗ କରିବା, ଯାହାକୁ ପାଶ୍ଚାତ୍ୟ ଦେଶମାନେ ବିରୋଧ କରୁଛନ୍ତି।