କ୍ୱିଭ୍, ୯।୫ : ଗତ ୭୪ ଦିନ ଧରି ରୁଷିଆ-ୟୁକ୍ରେନ ଯୁଦ୍ଧ ଚାଲିଛି। ୟୁକ୍ରେନ ଦାବି କରିଛି ଯେ କୃଷ୍ଣସାଗରରେ ଆଉ ଏକ ରୁଷିଆ ଯୁଦ୍ଧପୋତକୁ ଯୁଦ୍ଧ ଜାହାଜକୁ ଧ୍ୱଂସ କରିଦେଇଛି। ୟୁକ୍ରେନ୍ର ବ୍ରହ୍ମାସ୍ତ୍ର ମାଡ଼ରେ ୟୁକ୍ରେନ ଏଭଳି ଘଟିଛି। ୟୁକ୍ରେନ୍ ସୌନ୍ୟବାହିନୀ ମଧ୍ୟ ଏହି ଘଟଣାର ଥର୍ମାଲ ଡ୍ରୋନ ଭିଡିଓ ଜାରି କରିଛି। ଯେଉଁଥିରେ ଯୁଦ୍ଧପୋତରେ ବିସ୍ଫୋରଣ ଯୋଗୁ ଏହା ଜଳି ଯାଉଥିବା ଦେଖିବାକୁ ମିଳୁଛି।
ୟୁକ୍ରେନ ଦାବି କରିଛି ଯେ ଏହା ସ୍ନେକ୍ ଆଇଲାଣ୍ଡ ନିକଟରେ ରୁଷିଆ ଯୁଦ୍ଧପୋତ ଜଳି ଯାଇଥିବା ୟୁକ୍ରେନ୍ କହିଛି। ତୁର୍କୀରୁ କିଣାଯାଇଥିବା ବାଇରାକ୍ଟର ଟିବି-୨ ଡ୍ରୋନରୁ ମିଜାଇଲ ଦ୍ୱାରା ଯୁଦ୍ଧପୋତକୁ ନଷ୍ଟ ହୋଇଯାଇଥିବା ୟୁକ୍ରେନ୍ କହିଛି। ୟୁକ୍ରେନର ପ୍ରତିରକ୍ଷା ମନ୍ତ୍ରଣାଳୟ କହିଛି ଯେ ୟୁକ୍ରେନ ବନ୍ଦରର ଓଡେସା ଠାରୁ ୮୦ ମାଇଲ ଦୂରରେ ଅବସ୍ଥିତ ଦ୍ୱୀପରେ ଏକ ସଶସ୍ତ୍ର ବାଇରାକ୍ଟର ଡ୍ରୋନ ଦ୍ୱାରା ରୁଷିଆର କ୍ଷେପଣାସ୍ତ୍ର ପ୍ରତିରକ୍ଷା ପ୍ରଣାଳୀକୁ ମଧ୍ୟ ଧ୍ୱଂସ କରାଯାଇଛି।
ଆମେରିକାର ପବ୍ଲିକ୍ ଆର୍ଥ ଇମେଜିଂ କମ୍ପାନୀ ପ୍ଲାନେଟ ଲ୍ୟାବ ଦ୍ୱାରା ନିଆଯାଇଥିବା ସାଟେଲାଇଟ ଚିତ୍ରଗୁଡ଼ିକ ସ୍ନେକ୍ ଆଇଲାଣ୍ଡର ଉତ୍ତର ଉପକୂଳରେ ସର୍ନା-ଶ୍ରେଣୀ ଅବତରଣ ଜାହାଜକୁ ଦର୍ଶାଉଛି। ଏହା ୟୁକ୍ରେନ ସୈନ୍ୟବାହିନୀ ଦ୍ୱାରା ଜାରି ହୋଇଥିବା ଭିଡିଓ ସହିତ ମେଳ ଖାଉଛି। ଜାହାଜରେ ନିଆଁ ଲାଗି ଏହା ଧ୍ୱଂସ ହୋଇଥିବା ସ୍ପଷ୍ଟ ଦେଖାଯାଉଛି। ତେବେ ଏହି ଆକ୍ରମଣ ନେଇ ରୁଷିଆ ପକ୍ଷରୁ ଏପର୍ଯ୍ୟନ୍ତ କୌଣସି ବିବୃତ୍ତି ଜାରି କରାଯାଇ ନାହିଁ।
