ମସ୍କୋ,୨୪।୬: ରୁଷ୍ର ୭୫ ତମ ବିଜୟ ଦିବସରେ ଭାରତର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଯୋଗଦେଇଛନ୍ତି। ଏହି ଉତ୍ସବରେ ଭାରତ ଚାଇନା ସମେତ ୧୯ଟି ଦେଶର ପ୍ରତିନିଧି ଯୋଗଦେଇଛନ୍ତି। ଦ୍ୱିତୀୟ ବିଶ୍ୱଯୁଦ୍ଧରେ ଜର୍ମାନୀ ଉପରେ ସୋଭିଏତ ରୁଷ୍ର ବିଜୟ ଉପଲେକ୍ଷ ପାଳିତ ହେଉଥିବା ଏହି ଉତ୍ସବ ଅବସରରେ ମସ୍କୋରେ ପରେଡ ଅନୁଷ୍ଠିତ ହୋଇଛି। ରୁଷ୍ ର୧୩ ହଜାର ସୈନ୍ୟ ଏଥିରେ ଯୋଗ ଦେଇଛନ୍ତି। ପରେଡରେ ଭାରତୀୟ ସ୍ଥଳସେନା, ବାୟୁସେନା ଏବଂ ନୌସେନାର ୭୫ ଜଣ ଯବାନ ଯୋଗଦେଇଛନ୍ତି। ସେମାନଙ୍କ ମଧ୍ୟରେ ୩ ଜଣ ମହିଳା ଅଧିକାରୀ ରହିଛନ୍ତି। ଉତ୍ସବରେ ଭାରତୀୟ ସେନା ଯୋଗଦେଇଥିବାରୁ ସେ ଗର୍ବିତ ବୋଲି ରାଜନାଥ ସିଂ ଟୁଇଟ୍ କରି କହିଛନ୍ତି। ଏହି ଉତ୍ସବରେ ଚାଇନାର ସୈନ୍ୟ ଏବଂ ଅଧିକାରୀମାନେ ଯୋଗ ଦେଇଛନ୍ତି। ଗଲଓ୍ବାନ ସଂଘର୍ଷ ପରେ ଭାରତ ଏବଂ ଚାଇନାର ସୈନ୍ୟ ତଥା ପ୍ରତିରକ୍ଷା ଅଧିକାରୀ ପ୍ରଥମ କରି ଏହି ଅନ୍ତର୍ଜାତୀୟ କାର୍ଯ୍ୟକ୍ରମରେ ଯୋଗ ଦେଇଛନ୍ତି। ଚାଇନା ସୈନ୍ୟଙ୍କ ସହିତ ଭାରତୀୟ ସେନା ମିଳିତ ପରେଡରେ ଅଂଶଗ୍ରହଣ କରିଛନ୍ତି। ସୂଚନାଯୋଗ୍ୟ, ପ୍ରତିବର୍ଷ ମେ ୯ରେ ଏହି ଉତ୍ସବ ପାଳିତ ହୋଇଥାଏ। ତେବେ କରୋନା ସଂକ୍ରମଣ ଯୋଗୁ ଏହାକୁ ଘୁଞ୍ଚାଇ ଦିଆଯାଇଥିଲା।