A man walks with a bicycle in a street with destroyed Russian military vehicles near Chernihiv, Ukraine, Sunday, April 17, 2022. (AP Photo/Evgeniy Maloletka)
କ୍ୱିଭ,୧ ।୧୦: ରୁଷିଆ-ୟୁକ୍ରେନ୍ ଯୁଦ୍ଧ ଏବେବି ସେଠାକାର ଲୋକଙ୍କୁ ଭୟଭୀତ କରି ରଖିଛି । ଦୀଘ ପ୍ରାୟ ୭ ମାସ ହେବ ଚାଲିଥିବା ଏହି ଯୁଦ୍ଧରେ ବହୁ ଧନ ଜୀବନ ହାନୀ ହେଲାଣି । ଏବେ ୟୁକ୍ରେନର ଦକ୍ଷିଣରେ ସ୍ଥିତ ଏକ କାର ବଜାରରେ ରୁଷିଆ ପକ୍ଷରୁ ମିଶାଇଲ ମାଡ କରାଯାଇଛି । ଏଥିରେ ୩୦ ଜଣଙ୍କ ମୃତ୍ୟୁ ହେବା ସହ ୮୮ ଆହତ ହୋଇଥିବା ସୂଚନା ମିଳିଛି । ଜପୋରିଝଆର ଗଭର୍ନର ଆଲେକଜ୍ୟାଣ୍ଡର ସ୍ତାରୁଖ କହିଛନ୍ତି ଏହି ମିଶାଇଲ ଆକ୍ରମଣ ଏତେ ଶକ୍ତିଶାଳୀ ଥିଲା ଯେ କଂକ୍ରିଟ ସଡ଼କ ଉପରେ କିଛି ଫୁଟର ଗାତ ସୃଷ୍ଟି ହୋଇଛି ଓ ବିସ୍ଫୋରଣର ପ୍ରଥମ ଝଟ୍କାରେ କାରର ଡୋର ସବୁ ଖୋଲି ବାହାରି ଯାଇଥିଲା ।
ଉକ୍ତ ଅଞ୍ଚଳର ପୋଲିସ ମୁଖ୍ୟ କର୍ନଲ ସର୍ଗେଇ ଉଜରୁମୋବ କହିଛନ୍ତି, କାର ବଜାରକୁ ରୁଷିଆ ତିନୋଟି ଏସ-୩୦୦ ମିଶାଇଲ ଦ୍ୱାରା ଟାର୍ଗେଟ କରିଥିଲା । ୟୁକ୍ରେନ୍ ରାଷ୍ଟ୍ରପତି ଭୋଲୋଡେମିର ଜେଲେନସ୍କି କହିଛନ୍ତି, ଶତ୍ରୁ ଉଗ୍ର ଅଛି ଓ ଆମ ଦୃଢତା ଓ ସଫଳତା ପରେ ଏହାର ପ୍ରତିଶୋଧ ନେଉଛି । ଜେଲେନସ୍କିଙ୍କ କାର୍ଯ୍ୟାଳୟର ମୁଖ୍ୟ ଏଂନ୍ଦ୍ରି ୟରମକ କହିଛନ୍ତି ଏହା ଏକ ଆତଙ୍କବାଦୀ ଆକ୍ରମଣ ଥିଲା । ସମ୍ପୂର୍ଣ୍ଣ ଅଞ୍ଚଳରେ ମୃତଦେହ ଏଣେତେଣେ ପଡିଛି ଜିିନିଷ ପତ୍ର ସବୁ ବର୍ଯ୍ୟବସ୍ତୁରେ ପରିଣତ ହୋଇଯାଇଛି ।