ମୁମ୍ବଇ: ବଲିଉଡ୍ ନାୟିକା ଆଲିଆ ଭଟ୍ଟଙ୍କୁ ପେଟା ଇଣ୍ଡିଆ ୨୦୨୧ର ‘ପର୍ସନ ଅଫ୍ ଦ ଇୟର’ ଭାବେ ବାଛିଛି । ଆଲିଆ ଜଣେ ଆଗଧାଡିର ଅଭିନେତ୍ରୀ ସହ ଜଣେ ଆନିମଲ ଲଭର ବୋଲି ଅନେକେ ହୁଏତ ଜାଣିଥିବେ । ସେ ଆନିମଲଙ୍କ ପକ୍ଷରେ ଅଧିକାଂଶ ସମୟରେ ଆଲୋଚନା କରୁଥିବା ବେଳେ ଆନିମଲ ଫ୍ରେଣ୍ଡଲି ଫ୍ୟାଶନ ବାଛିବାକୁ ଲୋକଙ୍କୁ ପ୍ରୋତ୍ସାହିତ କରିଥାଆନ୍ତି । ନିକଟରେ ଆଲିଆ କୁକୁର ଓ ବିଲେଇଙ୍କ ପାଇଁ ତାଙ୍କର ଓକିଲାତି ଓ ଆନିମଲ ଫ୍ରେଣ୍ଡଲି ଫ୍ୟାଶନ ଇଣ୍ଡଷ୍ଟ୍ରିର ସପୋର୍ଟରେ କାମ କରିଥିବା ବେଳେ ତାଙ୍କୁ ସମ୍ମାନୀତ କରାଯାଇଥିଲା । ପିପୁଲ ଫର ଦ ଏଥିକାଲ ଟ୍ରିଟମେଣ୍ଟ ଅଫ୍ ଆନିମଲ୍ସ(ପେଟା) ଇଣ୍ଡିଆ ନିଜର ୨୦୨୧ ପାଇଁ ଆଲିଆଙ୍କୁ ‘ପର୍ସନ ଅଫ୍ ଦ ଇୟର’ ଭାବେ ବାଛିଛି । ସୂଚନାଯୋଗ୍ୟ୍ର, ଆଲିଆ ଭଟ୍ଟ ଶାକାହାରି ଫ୍ୟାଶନକୁ ଆଗକୁ ବଢାଇବା ଦିଗରେ ସାହାଯ୍ୟ କରିବା ସହ ଅଗାମୀ ପିଢିକୁ ପ୍ରାଣୀଙ୍କ ପ୍ରତି ଦୟାଳୁ ହେବାଲାଗି ପ୍ରୋତ୍ସାହିତ କରୁଛନ୍ତି । ଆଲିଆ ସବୁବେଳେ କୁକୁର ବା ବିଲେଇଙ୍କୁ ପୋଷ୍ୟଭାବେ ଗ୍ରହଣ କରିବା ହେଉ କି ଏମାନଙ୍କୁ ନେଇ କ୍ରାଇମ କରୁଥିବା ବ୍ୟକ୍ତିଙ୍କ ଉପରେ ଆକ୍ସନ ନେବାକୁ ପସନ୍ଦ କରି ଥାଆନ୍ତି । ପ୍ରାଣୀଙ୍କ ପ୍ରତି ଥିବା ତାଙ୍କର ଉଦାରକୁ ନେଇ ସେ ‘କୋଏକଜିଷ୍ଟ’ ନାମକ ଏକ ପ୍ରୋଗ୍ରାମ ଆରମ୍ଭ କରିଥଲେ । ଏହା ଏମିତି ଏକ ମଞ୍ଚ ଯେଉଁଠି ଜୀବ ଓ ଇକୋଲୋଜି ୱେଲଫେୟାର ପାଇଁ କାମ କରାଯାଏ ଓ ସେମାନଙ୍କର ସମସ୍ୟା ସମ୍ପର୍କରେ ଆଲୋଚନା କରାଯାଏ । ଆଲିଆଙ୍କର ମିଶନ କମ୍ୟୁନିଟି ଏମିତି ଏକ ଭବିଷ୍ୟତର ନିର୍ଣ୍ଣୟ କରେ ଯେଉଁଠାରେ ଲୋକଙ୍କୁ ପ୍ରକୃତି ଓ ବ୍ୟକ୍ତି ଏକାଠି ରହିବାର ଶିକ୍ଷା ଦିଏ ।
