ନୂଆଦିଲ୍ଲୀ,୬।୯: ଚଳିତ ବର୍ଷ ଭାରତରେ ଅନୁଷ୍ଠିତ ହେବାକୁ ଥିବା ଜି -୨୦ ଶିଖର ସମ୍ମିଳନୀରୁ ରୁଷିଆର ରାଷ୍ଟ୍ରପତି ଭ୍ଲାଦିମିର ପୁଟିନ୍ ଏବଂ ଚାଇନା ରାଷ୍ଟ୍ରପତି ସି ଜିନପିଙ୍ଗ ଏଥିରୁ ନିବୃତ୍ତ ହୋଇଛନ୍ତି। ଏହି ସମ୍ମିଳନୀରେ ରୁଷିଆର ପ୍ରତିନିଧିତ୍ୱ ବୈଦେଶିକ ମନ୍ତ୍ରୀ ସର୍ଗଇ ଲାଭ୍ରୋଭ କରୁଥିବାବେଳେ ପ୍ରଧାନମନ୍ତ୍ରୀ ଲି କିଆଙ୍ଗ ଚାଇନା ପକ୍ଷରୁ ଭାରତ ଆସିବେ। ଏ ସମ୍ପର୍କରେ ଭାରତର ବହିର୍ବ୍ୟାପାର ମନ୍ତ୍ରୀ ଏସ୍. ଜୟଶଙ୍କରଙ୍କ ବିବୃତ୍ତି ସାମ୍ନାକୁ ଆସିଛି। ସେ କହିଛନ୍ତି ଯେ, ଏହା ପ୍ରଥମ ଘଟଣା ନୁହେଁ ଯେ ଜି -୨୦ରେ ଜଣେ ରାଷ୍ଟ୍ରାଧ୍ୟକ୍ଷ ପହଞ୍ଚିଛନ୍ତି। ଅତୀତରେ ମଧ୍ୟ ଏପରି ଅନେକ ଘଟଣା ଘଟିଛି ।
ଜୟଶଙ୍କର ଏକ ସାକ୍ଷାତକାର ସମୟରେ କହିଛନ୍ତି, ବିଭିନ୍ନ ସମୟରେ ଜି -୨୦ ରେ କିଛି ରାଷ୍ଟ୍ରପତି କିମ୍ବା ପ୍ରଧାନମନ୍ତ୍ରୀ ରହିଆସିଛନ୍ତି, ଯେଉଁମାନେ କୌଣସି କାରଣରୁ ବ୍ୟକ୍ତିଗତ ଭାବରେ ଆସିପାରନାହାନ୍ତି। ଏଥିରେ କୌଣସି ଫରକ ପଡ଼ିବ ନାହିଁ। ଗୁରୁତ୍ୱପୂର୍ଣ୍ଣ ବିଷୟ ହେଉଛି ଦେଶର ପକ୍ଷ, ସ୍ଥିତି କ’ଣ ଏବଂ ଏହା ଏଥିରୁ ସ୍ପଷ୍ଟ ହୋଇଯାଉଛି ଯେ, ଆପଣ କେଉଁ ପ୍ରତିନିଧୀଙ୍କୁ ଜି-୨୦କୁ ପଠାନ୍ତି। ମୁଁ ଭାବୁଛି ସମସ୍ତେ ଜି-୨୦କୁ ଗୁରୁତରତାର ସହ ଆସୁଛନ୍ତି।