ଭୁବନେଶ୍ୱର,୭।୪: ରାଜ୍ୟର ପ୍ରମୁଖ ଘରୋଇ ଉତ୍ପାଦନ ସଂସ୍ଥା ଗ୍ଲୋବ୍ କୁକ୍ଓ୍ବେର ଆଣ୍ଡ ଆପ୍ଲିଆନ୍ସ (ଜିସିଏ) ପକ୍ଷରୁ ଆୟୋଜିତ ଏକ ସ୍ବତନ୍ତ୍ର କାର୍ଯ୍ୟକ୍ରମରେ ଓଡ଼ିଆ ଅଭିନେତା ସବ୍ୟସାଚୀ ମିଶ୍ର ଏବଂ ଅଭିନେତ୍ରୀ ଅର୍ଚ୍ଚିତା ସାହୁଙ୍କୁ କମ୍ପାନୀର ବ୍ରାଣ୍ଡ୍ ଆମ୍ବାସାଡର ଭାବେ ନିଯୁକ୍ତ କରାଯାଇଛି। ଏହି ପରିପ୍ରେକ୍ଷୀରେ କମ୍ପାନୀ ପକ୍ଷରୁ ଆୟୋଜିତ ଏକ ଖବରଦାତା ସମ୍ମଳିନୀରେ ଯୋଗଦେଇ ଉଭୟ ସବ୍ୟସାଚୀ ଓ ଅର୍ଚ୍ଚିତା ସେମାନଙ୍କର ଆଭିମୁଖ୍ୟ ଓ କାର୍ଯ୍ୟକଳାପ ସମ୍ପର୍କରେ ବିସ୍ତୃତ ଆଲୋକପାତ କରିଥିଲେ।
ଏ ସମ୍ପର୍କରେ ଜିସିଏର ନିର୍ଦ୍ଦେଶକ ପ୍ରଶାନ୍ତ ଅଗ୍ରଓ୍ବାଲ କହିଥିଲେ, ଆମେ ଦୀର୍ଘ ୫୦ ବର୍ଷ ହେବ ରାଜ୍ୟରେ କାରବାର କରୁଛୁ। ବିଶେଷକରି ଗୁଣାତ୍ମକ ସାମଗ୍ରୀ ଓ ସବୁ ବର୍ଗଙ୍କୁ ସୁହାଇଲା ଭଳି ଉତ୍ପାଦ ବଜାରରେ ଉପଲବ୍ଧ କରାଇ ଗ୍ରାହକଙ୍କର ପ୍ରିୟଭାଜନ ହୋଇପାରିଛୁ। ବର୍ତ୍ତମାନ କମ୍ପାନୀ ଓଡ଼ିଶା ସମେତ ଦେଶର ପ୍ରମୁଖ ବଜାରରେ କାରବାର କରିବା ପାଇଁ ଆଗ୍ରହୀ ଅଛୁ। ଏପରିକି ବ୍ରାଣ୍ଡ୍ର ପ୍ରଚାରପ୍ରସାର ପାଇଁ ଲୋକପ୍ରିୟ ଓଡ଼ିଆ ଅଭିନେତା ସବ୍ୟସାଚୀ ଏବଂ ଅଭିନେତ୍ରୀ ଅର୍ଚ୍ଚିତାଙ୍କୁ ବ୍ରାଣ୍ଡ୍ ଆମ୍ବାସାଡର ଭାବେ ନିଯୁକ୍ତ କରିଛୁ। ଉକ୍ତ ସମ୍ମିଳନୀରେ କମ୍ପାନୀର ବରିଷ୍ଠ ଅଧିକାରୀ ଅପୂର୍ବ ଅଗ୍ରଓ୍ବାଲ ଓ ଅଂଶୁଲ ଅଗ୍ରଓ୍ବାଲ ପ୍ରମୁଖ ଉପସ୍ଥିତ ଥିଲେ।