ମୁମ୍ବାଇ, ୨୦।୭: ବଲିଉଡ୍ ଅଭିନେତା ସୁଶାନ୍ତ ସିଂ ରାଜପୁତଙ୍କ ଉପରେ ଫିଲ୍ମ ନିର୍ମାଣ ହେବାକୁ ଯାଉଛି। ଏଥିରେ ସୁଶାନ୍ତ ସିଂଙ୍କ ଭୂମିକାରେ ଟିକ୍ଟକ୍ ଷ୍ଟାର୍ ସଚିନ ତିଓ୍ବାରୀଙ୍କୁ ଦେଖିବାକୁ ମିଳିବ। ଏହି ଫିଲ୍ମର ନାମ ‘ସୁଇସାଇଡ୍ ୟା ମର୍ଡର’ ରଖାଯାଇଛି। ସୁଶାନ୍ତଙ୍କ ଭଳି ଦେଖାଯାଉଥିବାରୁ ସଚିନ ଟିକ୍ଟକ୍ରେ ବେଶ୍ ଖ୍ୟାତି ଅର୍ଜନ କରିଛନ୍ତି। ଫିଲ୍ମର ନିର୍ମାଣ ବିଜୟ ଶେଖର ଗୁପ୍ତା ପ୍ରଡକଶନ୍ ପକ୍ଷରୁ କରାଯିବ। ଫିଲ୍ମର ଶୁଟିଂ ସେପ୍ଟେମ୍ବରରୁ ଆରମ୍ଭ ହେବ ବୋଲି କୁହାଯାଉଛି। ପଞ୍ଜାବ ଏବଂ ମୁମ୍ବାଇରେ ଫିଲ୍ମର ଅଧିକାଂଶ ଶୁଟିଂ କରାଯିବାର ଯୋଜନା କରାଯାଇଛି। ଚଳିତ ବର୍ଷ ଖ୍ରୀଷ୍ଟମାସ ଅବସରରେ ଫିଲ୍ମର ରିଲିଜ୍ କରାଯିବାର ସମ୍ଭାବନା ରହିଛି। ଇତିମଧ୍ୟରେ ଫିଲ୍ମର ଫାଷ୍ଟ୍ଲୁକ୍ ମଧ୍ୟ ଜାରି ହୋଇଛି। ଏଥିରେ ସଚିନ ନିଜକୁ ଆଉଟ୍ସାଇଡ଼ର ଭାବେ ଉଲ୍ଲେଖ କରିଛନ୍ତି।
