ମୁମ୍ବାଇ,୩।୧୨: ଭାରତର ପ୍ରଥମ ଫିଲ୍ଡ ମାର୍ଶଲ ସାମ ମାନେକ୍ସାଙ୍କ ଉପରେ ନିର୍ମିତ ମୁଭି କ୍ରମାଗତ ଭାବେ ଚର୍ଚ୍ଚାରେ ରହି ଆସୁଛି। ଦର୍ଶକେ ଏହି ମୁଭିକୁ ବହୁତ ପସନ୍ଦ କରୁଛନ୍ତି। ଦେଶର ପ୍ରଥମ ଫିଲ୍ଡ ମାର୍ଶଲ ସାମ ମାନେକ୍ସାଙ୍କ ଉପରେ ଆଧାରିତ ଏହି ଫିଲ୍ମର ନାମ ‘ସାମ ବାହାଦୂର’ ହୋଇଥିବାବେଳେ ଅଭିନେତା ଭିକି କୌଶଲ ସାମ ମାନେକ୍ସାଙ୍କ ଚରିତ୍ରରେ ଅଭିନୟ କରିଛନ୍ତି। ତେବେ ବର୍ତ୍ତମାନ ଭାରତୀୟ କ୍ରକେଟ କିମ୍ବଦନ୍ତୀ ସଚିନ ତେନ୍ଦୁଲକର ଫିଲ୍ମ ସାମ ବାହାଦୂର ଏବଂ ଅଭିନେତା ଭିକି କୌଶଲଙ୍କୁ ପ୍ରଶଂସା କରିଛନ୍ତି।
ଏହାକୁ ନେଇ ସଚିନ ତେନ୍ଦୁଲକର ଏକ ଟୁଇଟ କରିଛନ୍ତି। ଏହି ଟୁଇଟରେ ସଚିନ ତେନ୍ଦୁଲକର ଅଭିନେତା ଭିକି କୌଶଲଙ୍କ ସହ ନଜର ଆସିଛନ୍ତି। ଆହୁରି ମଧ୍ୟ ଫଟୋରେ ମାଷ୍ଟର ବ୍ଲାଷ୍ଟରଙ୍କ ପତ୍ନୀ ଅଞ୍ଜଳି ତେନ୍ଦୁଲକରଙ୍କୁ ଦେଖିବାକୁ ମିଳିଛି। ସଚିନ ତେନ୍ଦୁଲକର ଫଟୋ କ୍ୟାପସନରେ ଲେଖିଛନ୍ତି – ସାମ ବାହାଦୂର ଏକ ମହାନ ଫିଲ୍ମ … ସମସ୍ତେ ଏହି ଫିଲ୍ମ ଦେଖିବା ଉଚିତ। ସମସ୍ତ ପିଢିର ଦର୍ଶକମାନେ ସାମ ବାହାଦୂର ଦେଖିବା ପରେ ନିଜ ଦେଶର ଇତିହାସକୁ ଭଲ ଭାବରେ ବୁଝିପାରିବେ। ଆପଣ ମଧ୍ୟ ଜାଣିବେ ଯେ ସାମ ମାନେକ୍ସା କିପରି ନିଜ ଜୀବନକୁ ବଳିଦାନ ଦେଇଛନ୍ତି।
ଯେ ସାମ ମାନେକ୍ସା କିପରି ନିଜ ଜୀବନକୁ ବଳିଦାନ ଦେଇଛନ୍ତି।
ଏହା ବ୍ୟତୀତ ସଚିନ ତେନ୍ଦୁଲକର ଅଭିନେତାଙ୍କୁ ଏହି ଫିଲ୍ମରେ ସାମ ମାନେକ୍ସାଙ୍କ ଭୂମିକାରେ ଅଭିନୟ କରିଥିବାରୁ ଖୁବ ପ୍ରଶଂସା କରିଛନ୍ତି। ମାଷ୍ଟର ବ୍ଲାଷ୍ଟର ତାଙ୍କ ଟୁଇଟରେ ଲେଖିଛନ୍ତି- ଭିକି କୌଶଲ ବହୁତ ଭଲ ଅଭିନୟ କରିଛନ୍ତି। ଏହି ଅଭିନୟ ପରେ ଲାଗୁଥିଲା ଯେପରି ସାମ ମାନେକ୍ସା ପ୍ରକୃତରେ ଆମ ସାମ୍ନାରେ ଅଛନ୍ତି। ସୂଚନାଯୋଗ୍ୟ, ନିକଟରେ ଦେଶର ପ୍ରଥମ ଫିଲ୍ଡ ମାର୍ଶଲ ସାମ ମନେକ୍ସାଙ୍କ ଉପରେ ଆଧାରିତ ଫିଲ୍ମ ସାମ ବାହାଦୁର ମୁକ୍ତିଲାଭ କରିଥିଲା। ଏହି ମୁଭିରେ ଭିକି କୌଶଲ ସାମ ମନେକ୍ସାଙ୍କ ଭୂମିକାରେ ଅଭିନୟ କରିଛନ୍ତି।