ନୂଆଦିଲ୍ଲୀ,୨୯।୬: ଲିଟ୍ଲ ମାଷ୍ଟର ଭାବେ ପରିଚିତ ଥିବା ସଚିନ ତେନ୍ଦୁଲକରଙ୍କ ପାଇଁ ଆଜିର ଦିନ ବେଶ୍ ଗୁରୁତ୍ୱ ବହନ କରେ। ଠିକ୍ ୧୪ ବର୍ଷ ତଳେ ସେ କ୍ରିକେଟ ଇତିହାସର ପ୍ରଥମ ବ୍ୟାଟ୍ସମ୍ୟାନ ଭାବେ ଦିନିକିଆ ଫର୍ମାଟରେ ପୂରଣ କରିଥିଲେ ୧୫ ହଜାର ରନ୍। ଦକ୍ଷିଣ ଆଫ୍ରିକା ବିପକ୍ଷରେ ବେଲଫାଷ୍ଟ ଠାରେ ଖେଳାଯାଇଥିବା ଦ୍ୱିତୀୟ ଦିନିକିଆ ମ୍ୟାଚ୍ରେ ସଚିନ ଏହି ମାଇଲଷ୍ଟୋନ ହାସଲ କରିଥିଲେ।
୨୨୭ ରନ୍ର ବିଜୟ ଲକ୍ଷ୍ୟର ପିଛା କରୁଥିବା ଭାରତୀୟ ଦଳ ପାଇଁ ୯୩ ରନ୍ର ଦର୍ଶନୀୟ ଇନିଂସ ଖେଳିଥିଲେ ସଚିନ। ତାଙ୍କ ଇନିଂସରେ ସାମିଲ ଥିଲା ୧୩ ଚୌକା ଓ ୨ ଛକା। ତାଙ୍କ ଇନିଂସ ଯୋଗୁ ଭାରତ ଏହି ମ୍ୟାଚ୍କୁ ୬ ଉଇକେଟରେ ଜିତି ନେଇଥିଲା।
୧୯୮୯ରେ ଅନ୍ତର୍ଜାତୀୟ ସ୍ତରରେ ପଦାର୍ପଣ କରିଥିବା ଚେନ୍ଦୁଲକରଙ୍କ ନାମରେ ଦିନିକିଆ ଓ ଟେଷ୍ଟ ଫର୍ମାଟରେ ସର୍ବାଧିକ ଶତକ ଏବଂ ସବୁଠୁ ଅଧିକ ରନ୍ କରିବାର ରେକର୍ଡ ରହିଛି। ସେ ଦେଶ ପାଇଁ ୬ଟି ବିଶ୍ୱକପ୍ ଖେଳିଥିଲେ। ୨୦୧୧ରେ ତାଙ୍କ ବିଶ୍ୱକପ୍ ହାତେଇବାର ସ୍ବପ୍ନ ପୂରା ହୋଇଥିଲା।