ନୂଆଦିଲ୍ଲୀ,୨୫ା୧୨- କିମ୍ବଦନ୍ତୀ ଭାରତୀୟ କ୍ରିକେଟର ସଚିନ ତେନ୍ଦୁଲକର ଶୁକ୍ରବାର ସାଣ୍ଟା କ୍ଲଜ ପୋଷାକ ପରିଧାନ କରି ଖ୍ରୀଷ୍ଟମାସ ଅବସରରେ ଶୁଭେଚ୍ଛା ଜଣାଇଛନ୍ତି। ଟୁଇଟରରେ ଭିଡିଓ ଶେୟାର କରିବା ସହ ସଚିନ ଲେଖିଛନ୍ତି, ପ୍ରତ୍ୟେକଙ୍କୁ ବଡ଼ଦିନର ଶୁଭେଚ୍ଛା। ଏହା ସର୍ବଦା ଏକତା ଓ ଦାନର ବାର୍ତ୍ତା ଦିଏ। ଚାଲନ୍ତୁ ଆଖପାଖରେ ଥିବା ଲୋକଙ୍କ ଜୀବନରେ ଆଲୋକ ଭରି ଦେବା। ଭିଡିଓରେ ୪୭ ବର୍ଷୀୟ ସଚିନଙ୍କୁ ସାଣ୍ଟା କ୍ଲଜ ଡ୍ରେସରେ ଦେଖିବାକୁ ମିଳୁଛି। ସେହିଭଳି ଫୁଟବଲ ସୁପରଷ୍ଟାର କ୍ରିଷ୍ଟିଆନୋ ରୋନାଲ୍ଡୋ ଓ କିମ୍ବଦନ୍ତୀ ଟେନିସ ଖେଳାଳି ନୋଭାକ ଜୋକୋଭିଚ୍ ଖ୍ରୀଷ୍ଟମାସ ଅବସରରେ ମଧ୍ୟ ପ୍ରଶଂସକଙ୍କୁ ଶୁଭେଚ୍ଛା ଜଣାଇଛନ୍ତି।