ମୁମ୍ବାଇ,୩୧।୫: ଭାରତର ମହାନ ବ୍ୟାଟ୍ସମ୍ୟାନ ସଚିନ ତେନ୍ଦୁଲକର ଆଇପିଏଲ ୨୦୨୨ରେ ଭଲ ପ୍ରଦର୍ଶନ କରିଥିବା ଏକରୁ ଅଧିକ ଖେଳାଳି ଚୟନ କରି ନିଜର ସର୍ବଶ୍ରେଷ୍ଠ ଆଇପିଏଲ ଏକାଦଶ ପ୍ରସ୍ତୁତ କରିଛନ୍ତି। ସଚିନ ଏହି ଦଳର ଅଧିନାୟକ ଭାବରେ ଗୁଜରାଟ ଟାଇଟାନ୍ସ ଦଳର ଅଧିନାୟକ ହାର୍ଦ୍ଦିକ ପାଣ୍ଡ୍ୟାଙ୍କୁ ବାଛିଛନ୍ତି। ପାଣ୍ଡ୍ୟାଙ୍କ ନେତୃତ୍ୱରେ ଗୁଜରାଟ ଚଳିତବର୍ଷ ଆଇପିଏଲ୍ ଚାମ୍ପିୟନ୍ ହୋଇଛି।
ସଚିନ ତେନ୍ଦୁଲକର ନିଜ ଦଳରେ ଶିଖର ଧାୱନ ଏବଂ ଜୋସ ବଟଲରଙ୍କୁ ଓପନିଂ ଯୋଡି ଭାବରେ ବାଛିଛନ୍ତି। ତିନି ନମ୍ବରରେ ବ୍ୟାଟିଂ କରିବାକୁ ସଚିନ ତେନ୍ଦୁଲକର କେ.ଏଲ ରାହୁଲଙ୍କୁ ଏବଂ ୪ ନମ୍ବରରେ ହାର୍ଦ୍ଦିକ ପାଣ୍ଡ୍ୟାଙ୍କୁ ଚୟନ କରିଛନ୍ତି। ୫ ନମ୍ବରରେ ବ୍ୟାଟିଂ କରିବାକୁ ସଚିନ ତେନ୍ଦୁଲକର ଦକ୍ଷିଣ ଆଫ୍ରିକାର ବିପଜ୍ଜନକ ବ୍ୟାଟ୍ସମ୍ୟାନ ଡେଭିଡ ମିଲରଙ୍କୁ ବାଛିଛନ୍ତି। ଏଥି ସହିତ ଇଂଲଣ୍ଡର ବିପଜ୍ଜନକ ଅଲରାଉଣ୍ଡର ଲିଆମ ଲିଭିଙ୍ଗଷ୍ଟୋନଙ୍କୁ ୬ ନମ୍ବରରେ ସୁଯୋଗ ଦିଆଯାଇଛି।
ସଚିନ ତେନ୍ଦୁଲକର ବିପଜ୍ଜନକ ଫିନିସର ଦୀନେଶ କାର୍ତ୍ତିକଙ୍କୁ ୭ ନମ୍ବରରେ ବ୍ୟାଟିଂ କରିବାକୁ ବାଛିଛନ୍ତି। ସଚିନ ତେନ୍ଦୁଲକର ଦୀନେଶ କାର୍ତ୍ତିକଙ୍କୁ ଏକାଦଶରେ ଉଇକେଟ ରକ୍ଷଣର ଦାୟିତ୍ୱ ଦେଇଛନ୍ତି।
ସଚିନ ତେନ୍ଦୁଲକର ଏକାଦଶରେ ଭାରତର ଲେଗ ସ୍ପିନର ୟୁଜଭେନ୍ଦ୍ର ଚହଲ ଏବଂ ଆଫଗାନିସ୍ତାନର ମାରାତ୍ମକ ଲେଗ ସ୍ପିନର ରସିଦ ଖାନଙ୍କୁ ଚୟନ କରିଛନ୍ତି। ସେହିପରି ଜଶପ୍ରୀତ ବୁମ୍ରା ଏବଂ ମହମ୍ମଦ ଶାମିଙ୍କୁ ଦ୍ରୁତବୋଲର ଭାବରେ ସେ ଦଳରେ ନେଇଛନ୍ତି।
ସଚିନ ତେନ୍ଦୁଲକରଙ୍କ ଦ୍ୱାରା ସର୍ବଶ୍ରେଷ୍ଠ ଆଇପିଏଲ୍ ଏକାଦଶ
ଶିଖର ଧାୱନ, ଜୋସ ବଟଲର, କେ.ଏଲ ରାହୁଲ, ହାର୍ଦ୍ଦିକ ପାଣ୍ଡ୍ୟା (ଅଧିନାୟକ), ଡେଭିଡ ମିଲର, ଲିଆମ ଲିଭିଙ୍ଗଷ୍ଟୋନ, ଦୀନେଶ କାର୍ତ୍ତିକ (ଉଇକେଟ କିପର), ରସିଦ ଖାନ, ଜଶପ୍ରୀତ ବୁମ୍ରା, ମହମ୍ମଦ ଶାମି, ୟୁଜଭେନ୍ଦ୍ର ଚହଲ।
