ନୂଆଦିଲ୍ଲୀ,୧୫।୧୦: କଥାରେ ଅଛି ତୁଳସୀ ଦୁଇ ପତ୍ରରୁ ବାସେ। ଠିକ୍ ସେଭଳି ଜଣେ ବାଳକଙ୍କ ଲେଗ୍ ସ୍ପିନ୍ ବୋଲିଂର ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି। ମହାନ କ୍ରିକେଟର ସଚିନ ତେନ୍ଦୁଲକର ଏହାକୁ ନିଜର ଆକାଉଣ୍ଟରେ ଶେୟାର କରିଛନ୍ତି। ଭିଡିଓରେ ବାଳକ କେତେବେଳେ ଗୁଗଲି ପକାଉଛନ୍ତି ତ କେତେବେଳେ ସ୍ପିନ୍। ସେ ଅନେକଙ୍କ ଉଇକେଟ ମଧ୍ୟ ନେଉଛନ୍ତି। ପିଲାଟି ବେଳରୁ ଏଭଳି କଳା ଦେଖି ସଚିନ ମଧ୍ୟ ଚକିତ ହୋଇଛନ୍ତି।
ଭିଡିଓ ଶେୟାର କରି ସଚିନ ଲେଖିଛନ୍ତି, ଭିଡିଓଟିକୁ ଜଣେ ବନ୍ଧୁ ମୋ’ ପାଖକୁ ପଠାଇଛନ୍ତି। ବାଳକଙ୍କର ଖେଳ ପ୍ରତି ଥିବା ଭଲପାଇବା ଏବଂ ଆଗ୍ରହ ସ୍ପଷ୍ଟ ହେଉଛି।
ଇତିମଧ୍ୟରେ ଭିଡିଓଟିକୁ ୯ ଲକ୍ଷରୁ ଅଧିକ ଲୋକ ପସନ୍ଦ କରିଛନ୍ତି। ସେହିଭଳି ଲକ୍ଷାଧିକ ଥର ଏହାକୁ ଦେଖାଯାଇଛି। ବ୍ୟବହାରକାରୀ ଏଥିରେ ଭିନ୍ନ ଭିନ୍ନ ପ୍ରତିକ୍ରିୟା ରଖୁଛନ୍ତି। କେହି କେହି ତାଙ୍କୁ ଭବିଷ୍ୟତର ଷ୍ଟାର କହୁଥିବା ବେଳେ କେହି ତାଙ୍କୁ ମହାନ ସ୍ପିନର ବୋଲି କହୁଥିବା ଦେଖାଯାଇଛି।