ମୁମ୍ବାଇ,୧୦।୨: ଫେବୃଆରୀ ୨୦ରୁ ଆରମ୍ଭ ହେବାକୁ ଯାଉଥିବା ବିଜୟ ହଜାରେ ଟ୍ରଫିରେ ଭାରତୀୟ ବ୍ୟାଟ୍ସମ୍ୟାନ ଶ୍ରେୟସ ଆୟରଙ୍କୁ ମୁମ୍ବାଇ ଦଳର ଅଧିନାୟକ ଭାବରେ ମନୋନୀତ କରାଯାଇଛି। ମୁମ୍ବାଇ କ୍ରିକେଟ ଆସୋସିଏସନ ୨୨ ଜଣିଆ ଦଳ ଘୋଷଣା କରିଛି। ଭାରତୀୟ ଓପନର୍ ପୃଥ୍ବି ଶ’ଙ୍କୁ ମୁମ୍ବାଇ ଦଳର ଉପ-ଅଧିନାୟକ ଭାବେ ମନୋନୀତ କରାଯାଇଛି। ଏହି ଦଳରେ ସଚିନ ତେନ୍ଦୁଲକରଙ୍କ ପୁଅ ଅର୍ଜୁନ ତେନ୍ଦୁଳକରଙ୍କୁ ବାଦ୍ ଦିଆଯାଇଛି। ବିଜୟ ହଜାରେ ଟ୍ରଫି ପାଇଁ ବାମହାତୀ ଦ୍ରୁତ ବୋଲର ଅର୍ଜୁନ ମୁମ୍ବାଇର ୧୦୪ ସମ୍ଭାବ୍ୟ ଦଳରେ ସ୍ଥାନ ପାଇଥିଲେ। ତେବେ ମୁମ୍ବାଇର ୨୨ ଜଣିଆ ଦଳରେ ତାଙ୍କୁ ଅନ୍ତର୍ଭୁକ୍ତ କରାଯାଇ ନାହିଁ। ଅର୍ଜୁନ ନିକଟରେ ସୟଦ ମୁସ୍ତାକ ଅଲି ଟ୍ରଫିରେ ହରିୟାଣା ବିପକ୍ଷରେ ମୁମ୍ବାଇ ସିନିୟର ଦଳ ପାଇଁ ଡେବ୍ୟୁ କରିଥିଲେ। ଡେବ୍ୟୁ ମ୍ୟାଚ ଅର୍ଜୁନ ତେନ୍ଦୁଲକରଙ୍କ ପାଇଁ ବିଶେଷ କିଛି ନ ଥିଲା। ଏହି ମ୍ୟାଚରେ ସେ ମାତ୍ର ଗୋଟିଏ ଉଇକଟ ପାଇଥିଲେ ଏବଂ ତାଙ୍କ ଦଳ ମଧ୍ୟ ହରିୟାଣାକୁ ହରାଇଥିଲା।