ଜୟପୁର, ୧୩।୭: ରାଜସ୍ଥାନରେ ଶାସକ କଂଗ୍ରେସ ପାଇଁ ଏବେ ସଚିନ ପାଇଲଟ କଣ୍ଟା ସାଜିଛନ୍ତି। ମଧ୍ୟପ୍ରଦେଶ ଶୈଳୀରେ ଏଠାରେ ଅପରେଶନ୍ ଲୋଟସ୍ ଅଭିଯାନ ଭାଜପା ପକ୍ଷରୁ ଯୋଜନାବଦ୍ଧ ଭାବେ ଆରମ୍ଭ ହୋଇଥିବା ନେଇ ଚର୍ଚ୍ଚା ହେଉଛି। କଂଗ୍ରେସ ପାଇଁ ବ୍ୟାଟିଂ କରୁଥିବା ସଚିନ ଏବେ ଭାଜପା ଲାଗି ବୋଲିଂ କରିବେ ବୋଲି ରାଜନୈତିକ ମହଲରେ ଚର୍ଚ୍ଚା ଜାରି ରହିଛି। ତାଙ୍କ ସହିତ କଂଗ୍ରେସର ୩୦ ବିଧାୟକ ରହିଥିବା ସଚିନ କହିଛନ୍ତି। ସୋମବାର ହେବାକୁ ଥିବା କଂଗ୍ରେସ ବିଧାୟକ ଦଳ ବୈଠକରେ ସଚିନ ସାମିଲ ହେବେ ନାହିଁ ବୋଲି କୁହାଯାଉଛି। ଇିତମଧ୍ୟରେ ଜ୍ୟୋତିରାଦିତ୍ୟ ସିନ୍ଧିଆ ମଧ୍ୟ ସଚିନଙ୍କ ସପକ୍ଷରେ ମତ ଦେଇଛନ୍ତି। ମୁଖ୍ୟମନ୍ତ୍ରୀ ଅଶୋକ ଗେହଲଟ ସରକାର ଭାଙ୍ଗିବା ଲାଗି ଭାଜପାକୁ ଦାୟୀ କରିଛନ୍ତି। ତେବେ ଏହାକୁ ଭାଜପା ପକ୍ଷରୁ ଖଣ୍ଡନ କରାଯାଇଛି।
