ନୂଆଦିଲ୍ଲୀ,୧୭।୧୧: ବିଶ୍ୱକପ ଫାଇନାଲରେ ଏଣ୍ଟ୍ରି କରିଛି ଭାରତ। ନଭେମ୍ବର ୧୯ରେ ଅଷ୍ଟ୍ରେଲିଆକୁ ଭେଟିବାକୁ ଯାଉଛି ଭାରତ। ତେବେ ଫାଇନାଲକୁ ନେଇ ସାରା ଦେଶ ଉତ୍ସାହିତ ଥିବାବେଳେ ସୋସିଆଲ ମିଡିଆରେ ମେନ ଇନ ବ୍ଲୁ ଟ୍ରେଣ୍ଡ କରିବାରେ ଲାଗିଛି। ରବିବାର ହେବାକୁ ଥିବା ମ୍ୟାଚ ଜିତିବ କି ନାହିଁ ଏହି ପ୍ରଶ୍ନର ରୋଚକ ଜବାବ ଦେଇଛନ୍ତି ସଦଗୁର।
ସଦଗୁରୁଙ୍କର ହ୍ୟାଣ୍ଡେଲରେ ଏକ ଭିଡିଓ ପୋଷ୍ଟ କରାଯାଇଛି। ଯାହା ଖୁବ୍ ଭାଇରାଲ ହେବାରେ ଲାଗିଛି। ଭିଡିଓରେ ଦେଖାଯାଉଛି କି, ଜଣେ ବ୍ୟକ୍ତି ଭାରତ ମ୍ୟାଚ କିପରି ଜିତିବ ଏନେଇ ସଦଗୁରୁଙ୍କୁ ପରାମର୍ଶ ମାଗିଛନ୍ତି। ଏହି ପ୍ରଶ୍ନରେ ସଦଗୁରୁ ଖାସ ଅନ୍ଦାଜରେ ଉତ୍ତର ରଖିଛନ୍ତି। ସଦଗୁରୁ କହିଛନ୍ତି, କପ ଜିତିବା ପାଇଁ ଚେଷ୍ଟା କର ନାହିଁ। କେବଳ ବଲ୍କୁ ଲ୍ୟ କରି ହିଟ୍ କର। ଯଦି ଆଣ ୧୦୦କୋଟି ଲୋକଙ୍କ ବିଷୟରେ ଭାବିବେ ଯେଉଁମାନେ କପ ପାଇଁ ଆପଣଙ୍କ ପଛରେ ଛିଡା ହୋଇଛନ୍ତି। ତେବେ ଆପଣ ବଲ୍କୁ ମିସ କରିଦେବେ। କିଛି ବି କାଳ୍ପନିକ ଜିନିଷ ବିଷୟରେ ଭାବିଲେ ଯାହା ବିଶ୍ୱକପ ଜିତିବା ପରେ ହୋଇଥାଏ ତାହେଲେ ବଲ ସିଧା ଓ୍ବିକେଟରେ ଯାଇ ବାଜିବ।
ସେ ଆହୁରି କହିଛନ୍ତି, ମ୍ୟାଚ ଜିତିବାକୁ ହେଲେ ବୋଲିଂ କିପରି କରିବେ। ବିପକ୍ଷ ଟିମ୍ର କିପରି ଓ୍ବିକେଟ ନେବେ ସେ ବିଷୟରେ ଚିନ୍ତା କରନ୍ତୁ। ବିଶ୍ୱକପ ବିଷୟରେ ଭାବିଲେ ବିଶ୍ୱକପରୁ ହିଁ ନକ ଆଉଟ୍ ହୋଇଯିବେ।