ଡୁଙ୍ଗୁରିପାଲି, ୨୨।୪: (ଡି.ଏନ.ଏ.) ସୁବର୍ଣ୍ଣପୁର ଜିଲା ଡୁଙ୍ଗୁରିପାଲି ବ୍ଲକ ଅନ୍ତର୍ଗତ ସହଲା ଗ୍ରାମ ପଞ୍ଚାୟତରେ କାର୍ଯ୍ୟରେ ଯୋଗ ଦେଇଛନ୍ତି ନିଲମ୍ବିତ ସରପଞ୍ଚ ପଟୁଆରୀ ପଧାନ । ସୂଚନା ଅନୁସାରେ, ସହଳା ଗ୍ରାମ ପଞ୍ଚାୟତର ସରପଞ୍ଚ ପଧାନ ଅପରାଧିକ ମାମଲାରେ ଗିରଫ ହୋଇ ଜେଲ ଯାଇଥିଲେ । ଏହି ଘଟଣାରେ ସୁବର୍ଣ୍ଣପୁର ଜିଲାପାଳ ପଞ୍ଚାୟତିରାଜ ବିଭାଗକୁ ଚିଠି ନମ୍ବର ୮୯/ଜିପି ତା ୦୬/୦୨/୨୦୨୩ ରିଖରେ ଜଣାଇବା ପରେ ଓଡ଼ିଶା ସରକାରଙ୍କ ପଞ୍ଚାୟତିରାଜ ବିଭାଗ ଚିଠି ନମ୍ବର ୫୩ ୭୧ ତା ୧୦/୦୩/୨୦୨୩ ରିଖରେ ସରପଞ୍ଚ ପ୍ରଧାନଙ୍କୁ ନିଲମ୍ବିତ କରାଯାଇଥିଲା। ପରେ ଜିଲାପାଳଙ୍କ ନିର୍ଦ୍ଦେଶ କ୍ରମେ ଡୁଙ୍ଗୁରିପାଲି ବିଡିଓ ତ୍ରିପୁର ମହାନନ୍ଦ ସହଲା ପଞ୍ଚାୟତର ନାଏବ ସରପଞ୍ଚ ହେମଲତା ସାହୁଙ୍କୁ ସରପଞ୍ଚ ଦାୟିତ୍ୱ ଦେବା ପାଇଁ ଆଦେଶ ଦେଇଥିଲେ । ଜିଲାପାଳଙ୍କ ପତ୍ର ସଂଖ୍ୟା ୨୦୫ ତାରିଖ ୧୬/୩/୨୦୨୩ ଅନୁଯାୟୀ ଡୁଙ୍ଗୁରିପାଲି ବ୍ଲକ କାର୍ଯ୍ୟାଳୟ ପତ୍ର ସଂଖ୍ୟା ୧୧୯୧ ୧୭/୩/୨୦୨୩ରେ ନାଏବ ସରପଞ୍ଚ ସାହୁ ସହଳା ପଞ୍ଚାୟତର ସଂପୂର୍ଣ୍ଣ ଦାୟିତ୍ୱ ତଥା କାର୍ଯ୍ୟ ନିର୍ବାହ କରିବା ସହ ପଟୁଆରୀ ପ୍ରଧାନଙ୍କ ଠାରୁ ଯଥାଶ୍ରୀଘ୍ର ସରପଞ୍ଚ ଦାୟିତ୍ୱ ଗ୍ରହଣ କରିବା ନିର୍ଦ୍ଦେଶନାମା ଜାରି ହୋଇଥିଲା । ହେଲେ ପଧାନ ଉଚ୍ଚ ନ୍ୟାୟାଳୟର ଦ୍ୱାରସ୍ଥ ହୋଇଥିଲେ । ଏହାକୁ ଚାଲେଞ୍ଜ କରି ପଞ୍ଚାୟତିରାଜ ପାନୀୟ ଜଳ ବିଭାଗ ପତ୍ର ସଂଖ୍ୟା ୮୧୨୧ ତା ୧୫/୪/୨୦୨୩ରିଖରେ ଗ୍ରାମ ପଞ୍ଚାୟତ ଧାରା ୧୧୫ (୧) ୧୯୬୪ ଆଇନ ଅନୁସାରେ ତାଙ୍କୁ ସରପଞ୍ଚ ଭାବେ ଦାୟିତ୍ୱ ଗ୍ରହଣ କରିବା ପାଇଁଁ ନିର୍ଦ୍ଦେଶ ଦିଆଯାଇଛି ଓ ୧୫ ଦିନ ମଧ୍ୟରେ କାରଣ ଦର୍ଶାଅ ନୋଟିସ ମଧ୍ୟ ଦିଆଯାଇଛି । ସରପଞ୍ଚଙ୍କ ନିଲମ୍ବିତ ଆଦେଶ ଉଠିବା ପରେ ଶୁକ୍ରବାର ନିଜର ସମର୍ଥକମାନଙ୍କ ସହ ପଞ୍ଚାୟତ କାର୍ଯ୍ୟାଳୟରେ ପହଞ୍ଚି ନିଜ କାର୍ଯ୍ୟରେ ଯୋଗ ଦେଇଥିବା ସରପଞ୍ଚ ପ୍ରଧାନ ପ୍ରକାଶ କରିଛନ୍ତି। କାର୍ଯ୍ୟରେ ଯୋଗ ଦେବା ପରେ ସେ ନିଜ ପ୍ରତିକ୍ରିୟାରେ କହିଛନ୍ତି, ଦୀର୍ଘଦିନ ହେଲା ପଞ୍ଚାୟତବାସୀ ବହୁ ଅସୁବିଧାର ସମ୍ମୁଖୀନ ହେଉଥିଲେ । ଏଣିକି ଜନସାଧାରଣଙ୍କ ଉନ୍ନତିମୂଳକ କାମ କରିବା ସହ ପଞ୍ଚାୟତକୁ ଠିକ ଭାବରେ ଚଳାଇବା ଦିଗରେ ବିଶେଷ ଧ୍ୟାନ ଦେବି । ଏନେଇ ଡୁଙ୍ଗୁରିପାଲି ବିଡିଓ ତ୍ରିପୁର ମହାନନ୍ଦଙ୍କୁ ପଚାରିବାରେ ସରକାର ନିଲମ୍ବିତ କରିଥିଲେ ା ପୁଣି ସରକାର ପ୍ରତ୍ୟାହାର କରି ଦାୟିତ୍ୱ ଦେଇଛନ୍ତି । ପୂର୍ବପରି ସରପଞ୍ଚ ଦାୟିତ୍ୱ ପଟୁଆରୀ ପଧାନ ତୁଲାଇବେ ବୋଲି ପ୍ରକାଶ କରିଥିଲେ ା