ମୁମ୍ବାଇ: ସୈଫ-ଅଲ୍ଲୀ ଖାନ୍ ନିକଟରେ ନିଜ ମାଆ ଶର୍ମିଲା ଟାଗୋରଙ୍କ ସହ କଫି ଓ୍ବିଥ କରନରେ ନଜର ଆସିଛନ୍ତି। ଏହି ସମୟରେ ସେ ନିଜର ବ୍ୟକ୍ତଗତ ଓ ଅଭିନୟ ଜୀବନକୁ ନେଇ ବହୁ ଜିନିଷର ଖୁଲାସା କରିଥିଲେ। ମାଆ ଶର୍ମିଲା ପୁଅ ସୈଫଙ୍କର ଡେଟିଂ ଲାଇଫ ଉପରେ କିଛି ଅଛପା କଥା କହିବା ସହ ଅଭିନେତା ସୈଫ ତାଙ୍କ ପୁଅ ଇବ୍ରାହିମ ଅଲ୍ଲୀ ଖାନଙ୍କ ଉପରେ କିଛି ରୋଚକ କଥା କହିଛନ୍ତି। ଯାହାକୁ ଶୁଣି କରନଙ୍କ ସହ ଶର୍ମିଲା ମଧ୍ୟ ହସିବାକୁ ଲାଗିଥିଲେ।
ଶୋ’ରେ କରନ, ଇବ୍ରାହିମଙ୍କୁ ନେଇ ସୈଫଙ୍କୁ ପ୍ରଶ୍ନ କରିଥିଲେ। ସେ କହିଥିଲେ, ଯଦି କୌଣସି ଝିଅ ଇବ୍ରାହିମଙ୍କୁ ପ୍ରପୋଜ କରନ୍ତି, ତେବେ ସେ କେଉଁଭଳି ଝିଅଙ୍କୁ ଡେଟ୍ କରିବାକୁ ପସନ୍ଦ କରିବେ? ଏନେଇ କିଛି କ୍ରାଏଟେରିଆ ଅଛି କି? ଏକଥା ଶୁଣି ସୈଫ କହିଛନ୍ତି, ଏନେଇ କୌଣସି କ୍ରାଏଟେରିଆ ନାହିଁ। କିନ୍ତୁ ଝିଅଟି ସିଙ୍ଗଲ ଥିବା ଉଚିତ୍। ଏକଥା ଶୁଣି କରନ ଓ ଶର୍ମିଲା ହସିବାକୁ ଲାଗିଥିଲେ। ଏହାପରେ ତାଙ୍କୁ ତୈମୁରଙ୍କୁ ଡେଟ୍ କରିବାକୁ ନେଇ ପଚରାଯିବାରୁ ସେ କହିଛନ୍ତି, ଏଥିପାଇଁ ଝିଅଟିକୁ ଜେଲ୍ ଯିବାକୁ ପଡିବ।