ମୁମ୍ବାଇ: ବଲିଉଡ୍ ଅଭିନେତା ସୈଫ ଅଲ୍ଲୀ ଖାଁ ଓ ଅଭିନେତ୍ରୀ କରୀନା କପୁର ଖାଁ ବି-ଟାଉନର ସୁନ୍ଦର ଯୋଡିଙ୍କ ମଧ୍ୟରୁ ଅନ୍ୟତମ। ପ୍ରାୟ ସମୟରେ ଦୁହେଁ ବେଶ୍ ଚର୍ଚ୍ଚାରେ ରହୁଥିବା ବେଳେ ସୋସିଆଲ ମିଡିଆରେ ବେଶ୍ ଆକ୍ଟିଭ। ପ୍ରାୟ ସମୟରେ କରୀନା ଓ ସୈଫଙ୍କ ସହ ୨ପୁଅଙ୍କ ଫଟୋ ଓ ଭିଡିଓମାନ ଦେଖିବାକୁ ମିଳେ। ନିକଟରେ ସୈଫ କରୀନାଙ୍କୁ ନେଇ ଏକ ମଜାଳିଆ କଥା ସାମ୍ନାକୁ ଆଣିଛନ୍ତି। ଯାହା ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିିଛି। ଗତ ବର୍ଷ କରୋନା ଲକ୍ଡାଉନ ଯୋଗୁ ସମସ୍ତ ସେଲୁନ, ପାର୍ଲର ଓ ଜିମ୍ ଆଦି ମାନ ବନ୍ଦ ରହିଥିଲା। ଲୋକମାନେ ୟୁଟ୍ୟୁବ ଦେଖି ନିଜର ହେୟାରକଟ୍ କରିବାକୁ ବାଧ୍ୟ ହୋଇଥିଲେ। ତେବେ ଏଥିରୁ ସେଲିବ୍ରିଟି ମଧ୍ୟ ବାଦ୍ ପଡ଼ି ନ ଥିଲେ। ଅନେକ ସେଲିବ୍ରିଟି ଘରେ ନିଜ ପାର୍ଟନରଙ୍କଠାରୁ ପରସ୍ପରର ହେୟାରକଟ୍ କରିଥିଲେ। ଆଉ ଏହାକୁ ନିଜର ନୂଆ ହେୟାରକଟ୍ ଦର୍ଶାଇ ଅନେକ ଭିଡିଓମାନ ଶେୟାର କରିଥିଲେ। ତେବେ ଏହି ଟ୍ରେଡିଂରେ ସୈଫ ଓ କରୀନାଙ୍କ ନାମ ରହି ନ ଥିଲା। ଏକ ସାକ୍ଷାତକାରରେ ଏନେଇ ସୈଫଙ୍କୁ ପଶ୍ନ କରାଯାଇଥିଲା। ଫିଟ୍ ଅପ୍ ଦ ଷ୍ଟାର ଶୋ’ରେ କରୀନା ତାଙ୍କର ହେୟାରକଟ୍ କରିଛନ୍ତି କି ନାହିଁ ପ୍ରଶ୍ନ କରିବାରୁ ସୈଫ ଏକ ମଜାଳିଆ ଭାବେ ଉତ୍ତର ରଖିଥିଲେ। ସେ କହିଛନ୍ତି, ଯଦି ସେ ଏଭଳି କରିଥାନ୍ତେ ତେବେ କରୀନା ତାଙ୍କୁ ଜୀବନରୁ ମାରିଦେଇଥାନ୍ତେ। ତାଙ୍କ କେଶ କାଟିବା ଏହା ଏକ ଅନ୍ପ୍ରୋଫେସନାଲ। କାରଣ ସେ ହେଉଛନ୍ତି ଜାତୀୟ ସମ୍ପତ୍ତି। ଆମେ ଏବେ ବି କାମ କରୁଛୁ। ତେଣୁ ଆମେ ପରସ୍ପରର କେଶ ସହ ଖେଳିପାରିବୁ ନାହିଁ। କରୀନା ମୋ କେଶ କାଟି ପାରିଥାନ୍ତେ, କିନ୍ତୁ ସୋଭାଗ୍ୟବଶତଃ ସେ ଏଭଳି କରି ନ ଥିଲେ ବୋଲି ସୈଫ କହିଛନ୍ତି।
