ବମ୍ବେ: ବଲିଉଡ୍ ଅଭିନେତା ସୈଫ ଅଲ୍ଲୀ ଖାନଙ୍କ ବ୍ୟକ୍ତିଗତ ଜୀବନ ସର୍ବଦା ଚର୍ଚ୍ଚାରେ ରହିଆସିଛି। ବିଶେଷକରି ସେ ୧୯୯୧ରେ ନିଜଠାରୁ ୧୨ ବର୍ଷ ବଡ଼ ଅଭିନେତ୍ରୀଙ୍କୁ ବିବାହ କରି ଚର୍ଚ୍ଚାକୁ ଆସିଥିଲେ। ବିବାହ ପୂର୍ବରୁ ସେ ଅଭିନେତ୍ରୀ ଅମୃତା ସିଂହଙ୍କୁ ଡେଟ୍ କରିଥିଲେ। ହେଲେ ସୈଫଙ୍କ ପରିବାରଲୋକେ ଏହି ବିବାହକୁ ବିରୋଧ କରୁଥିଲେ। କାରଣ ସେତେବେଳେ ଯୁବକ ଥିଲେ ସୈଫ। ଅଭିନୟରେ ତାଙ୍କ କ୍ୟାରିୟର ଆରମ୍ଭ ମଧ୍ୟ ହୋଇ ନ ଥିଲା। ମାତ୍ର ଲୁଚିଛପି ଉଭୟ ଜୀବନର ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଥିଲେ। ୨୦୦୪ରେ ଅମୃତାଙ୍କୁ ସେ ଛାଡ଼ପତ୍ର ଦେଇଥିଲେ। ସେତେବେଳକୁ ଅମୃତା ଦୁଇ ସନ୍ତାନର ଜନନୀ ଥିଲେ।
ସୈଫ-ଅମୃତାଙ୍କ ଲଭ୍ଷ୍ଟୋରୀ କିଛି ଏଭଳି ଥିଲା। ଉଭୟ ପରସ୍ପରକୁ ଏକ ଫଟୋଶୁଟ ସମୟରେ ଭେଟିଥିଲେ। ସୈଫ ବଲିଉଡ୍କୁ ଆସି ନ ଥିଲେ। ନିଜର ଡେବ୍ୟୁ ଫିଲ୍ମ ‘ପରସ୍ପରା’ର ଶୁଟିଂରେ ସେ ବ୍ୟସ୍ତ ଥିଲେ। ଫଟୋଶୁଟ୍ ପରଠାରୁ ଅମୃତାଙ୍କୁ ଚାରିଆଡେ ଖୋଜୁଥିଲେ ସୈଫ। ଏକଦା ସେ ଅମୃତାଙ୍କୁ ଫୋନ କରି ଡିନ୍ରରେ ଯିବାକୁ କହିଥିଲେ। ଅଭିନେତ୍ରୀ ମାନି ନ ଥିଲେ। ଏହା ବଦଳରେ ସୈଫଙ୍କୁ ତାଙ୍କ ଘରକୁ ସେ ଡାକିଥିଲେ। ଏହାପରେ ନିର୍ଧାରିତ ସମୟରେ ସୈଫ ପହଞ୍ଚିଯାଇଥିଲେ। ସାଙ୍ଗହୋଇ ସେମାନେ ଡିନର୍ କରିବା ପରେ କଥା ହୋଇଥିଲେ। ସେଠାରେ ସେମାନେ ପରସ୍ପରକୁ ଚୁମ୍ବନ ଦେଇଥିଲେ। ସୈଫ ସୁଯୋଗକୁ ହାତ ଛଡ଼ା ନ କରି ଅମୃତାଙ୍କୁ ପ୍ରେମ ନିବେଦନ କରିଥିଲେ। ଅମୃତା ହଁ ଭରିଥିଲେ। ଏହାପରେ ଦୁଇ ଦିନ ଯାଏ ଅମୃତାଙ୍କ ଘରେ ରହିଥିଲେ ସୈଫ।
ଦୁଇ ଦିନ ପରେ ଶୁଟିଂସେଟ୍କୁ ଯିବାକୁ ବାହାରିଥିଲେ ସୈଫ। ତାଙ୍କ ପାଇଁ କାର ଆସିଥିଲା। ହେଲେ ସେ ନିଜର ଓ୍ବାଲେଟ୍ ଭୁଲି ଯାଇଥିଲେ। ଅମୃତାଙ୍କଠାରୁ ତାଙ୍କୁ ଶହେ ଟଙ୍କା ଉଧାର ନେବାକୁ ପଡ଼ିଥିଲା ବୋଲି ସିମି ଅଗ୍ରଓ୍ବାଲଙ୍କ ଶୋ’ରେ ଖୁଲାସା କରିଥିଲେ ସୈଫ।
