ମୁମ୍ବାଇ: ବଲିଉଡ୍ ଷ୍ଟାର କିଡ୍ ଭାବେ ତୈମୁର ଅଲ୍ଲି ଖାଁ ଅନେକଙ୍କର ପସନ୍ଦ । ଖୁବ୍ ଛୋଟ ହେଲେ ବି ସେ ଅନ୍ୟମାନଙ୍କ ପାଇଁ ଆକର୍ଷଣର କେନ୍ଦ୍ରବିନ୍ଦୁ । ପିତା ତଥା ବଲିଉଡ୍ ନାୟକ ଶୈଫ ଅଲ୍ଲି ଖାଁ ଜଣେ ଭଲ କଳାକାର ହୋଇଥିବା ବେଳେ ମା’ କରିନା କପୁର ଖାଁ ବି ବଲିଉଡ୍ର ଜଣେ ଆଗଧାଡିର ଅଭିନେତ୍ରୀ । ଏବେ କରିନା ପୁଣିଥରେ ମା’ ହେବାକୁ ଯାଉଥିବା ବେଳେ ଏହାକୁ ନେଇ ଖୁବ୍ ଉତ୍ସାହିତ ଅଛନ୍ତି ଶୈଫ । ନିକଟରେ ସେ ଏକ ସାକ୍ଷାତ୍କାରରେ ତୈମୁରଙ୍କ ବିଷୟରେ କିଛି କଥା କହିଛନ୍ତି ଯାହା ତୈମୁରଙ୍କ ଭିତରେ ଲୁଚି ରହିଥିବା ପ୍ରତିଭା କଥା କହିଛି । ଶୈଫ କହିଛନ୍ତି ପୁଅ ତୈମୁର ଛୋଟ ହେଲେ ବି ସେ ରାମାୟଣ ଦେଖିବାକୁ ବହୁତ ପସନ୍ଦ କରନ୍ତି । କେବଳ ସେତିକି ନୁହେଁ ରାମାୟଣର ରାମ ଚରିତ୍ର ତାଙ୍କୁ ବେଶ୍ ପସନ୍ଦ । ଏହାକୁ ଦେଖି ସେ ନିଜକୁ ରାମଭଳି ସଜାଇ ଥାଆନ୍ତି । ତେବେ ତୈମୁର କ୍ରିକେଟ ଖେଳିବାକୁ ଭଲ ପାଆନ୍ତିକି ନା ବୋଲି ପ୍ରଶ୍ନ କରିବାରୁ ଶୈଫ କହିଛନ୍ତି ତାଙ୍କ ପଡ ପୁଅ ଇବ୍ରାହିମ୍ ଭଲ କ୍ରିକେଟ ଖେଳନ୍ତି । ହେଲେ ତୈମୁରଙ୍କର କ୍ରିକେଟ ପ୍ରତି ସେମିତି କିଛି ଆକର୍ଷଣ ନାହିଁ । ବରଂ ସେ ପେଣ୍ଟିଂ କରିବାକୁ ଆଗ୍ରହ ଦେଖାଉଥିବା ବେଳେ ଗୀତ ଗାଇବାକୁ ମଧ୍ୟ ଆଗ୍ରହ ପ୍ରକାଶ କରନ୍ତି ବୋଲି ପିତା ଶୈଫ ଅଲ୍ଲି ଖାଁ କହିଛନ୍ତି ।