ବମ୍ବେ: ଅଭିନେତା ସୈଫ୍ ଅଲ୍ଲୀ ଖାନ୍- କରିନା କପୁର ବଲିଉଡ୍ର ଚର୍ଚ୍ଚିତ ଯୋଡ଼ିଙ୍କ ମଧ୍ୟରୁ ଗୋଟିଏ। ପଟୌଦୀ ପରିବାରର ଦଶମ ନବାବ ସୈଫ ୧୯୯୨ରେ ଫିଲ୍ମ ‘ବେଖୁଦି’ରୁ ନିଜ ଅଭିନୟ ଜୀବନ ଆରମ୍ଭ କରିଥିଲେ। ୨୦୧୨ରେ କରିନା କପୁରଙ୍କୁ ଦ୍ୱିତୀୟ ବିବାହ କରିବାକୁ ନେଇ ସେ ଚର୍ଚ୍ଚାକୁ ଆସିଥିଲେ। ଏପରିକି କରିନାଙ୍କୁ ପାଇବା ପାଇଁ ସେ ହାତ ମଧ୍ୟ କାଟିବାକୁ ପଛାଇ ନ ଥିଲେ।
କରିନାଙ୍କ ସହ ସୈଫ ଜେପି ଦତ୍ତାଙ୍କ ଫିଲ୍ମ ‘ଏଲ୍ଓସି କାରଗିଲ’ରେ କାମ କରିଥିଲେ। ପରେ ‘କୁରବାନ୍ ’ଜଏବଂ ‘ଟଶନ୍’ରେ ନଜର ଆସିଥିଲେ। ହେଲେ ଟଶନ୍ ଫିଲ୍ମ ଶୁଟିଂ ବେଳେ ଉଭୟଙ୍କ ଲଭ୍ଷ୍ଟୋରୀ ଆରମ୍ଭ ହୋଇଥିଲା।
ଗ୍ରୀସ୍ରେ ଶୁଟିଂ ଚାଲୁଥିବା ସମୟରେ ସୈଫଙ୍କ ଜଣେ ବନ୍ଧୁ କରିନାଙ୍କ ପାଇଁ ତୁମେ କ’ଣ କରିପାରିବ ବୋଲି ପ୍ରଶ୍ନ କରିଥିଲେ। ଏହାର ଜବାବରେ ସୈଫ୍ ହାତ କାଟି ଦେଇଥିଲେ। ଏହା ଦେଖି ବନ୍ଧୁ ଚିନ୍ତାରେ ପଡ଼ିଯାଇଥିଲେ।
ଏବେ ସଫଳ ବୈବାହିକ ଜୀବନ କାଟୁଛନ୍ତି ସୈଫ। କରିନା ପୁଣି ଥରେ ମା’ ହୋଇଛନ୍ତି। ସେ ପୁଣି ଥରେ ପୁତ୍ର ସନ୍ତାନକୁ ଜନ୍ମ ଦେଇଛନ୍ତି। ନିକଟରେ ତାଙ୍କ ନାମ ଭାଇରାଲ ହୋଇଥିଲା। ତୈମୁର ପରେ ଦ୍ୱିତୀୟ ପୁଅ ନାମ ଜେନ ରଖିଛନ୍ତି ଉଭୟ।
